Мавзу 7: Фосфорли ўғитлар ишлаб чиқариш технологияси

2Са₅F(РО₄)₃ + 7Н₂SО₄ + ЗН₂О = 3Cа(Н₂РО₄) ∙ Н₂О + 7СаSО₄ + 2НF

Оддий суперфосфат таркибида 14–21% озуқа моддаси (Р₂0₅) бўлади. Суперфосфат кесак ҳолида бир–бирига ёпишган бўлганлиги учун ҳам қишлоқ хўжалигида ишлатишда механик усулларни қўллашга тўғри келади. Тайёр маҳсулотга оз миқдорда майдаланган охактош ёки бор қўшилади (сабаби ортиқча кислоталигини нейтраллашдир). Оддий суперфосфат ишлаб чиқаришда 68% ли сульфат кислотадан фойдаланилади. Бундан ташқари табиий фосфатлардан олинган фтораппатитдан ҳам кенг фойдаланилади. Фосфорит уни Са₁₀(Р0₄)₆ ∙ [(ОН)F]₂ табиий фосфорни майдалаб олинади. Фосфорит уни уч хил навларда ишлаб чиқарилади. Биринчи навида 29±1 %, иккинчи навида 23 ± 1 %, учинчи навида эса 20 ± 1 % Р₂0₅ бўлади, таркибидаги намлик миқдори 1,5 % дан ошмаслиги керак. Қоратоғ фосфоритидан олинган кукун ҳолидаги суперфосфат таркиби қуйидагича: 27,5 % Р₂0₅, 6,6 % СО₂, 2,5 % R₂О₃. Саноатда суперфосфат ишлаб чиқариш учун 68 % ли сульфат кислота ишлатилади, хом ашёни парчаланиши 64 соат ичида 90% ни ташкил этади. Ҳосил бўлган маҳсулот омборда етилтирилади (2–3 хафта давомида). Етилтирилиш давомида ажралиб чиққан водород фторид гази тутиб қолинади ва у қайта ишлашга жўнатилади.

Фосфорли ўғитларни ишлаб чиқариш учун хом ашё сифатида табиий фосфат ва таркибида фосфор тутган рудалар қўлланилади. Саноатда ишла-тилиши бўйича табиий фосфатлар иккига: аппатитлар ва фосфоритларга бўлинади. Фосфор асосан сувда эримайдиган фтораппатит Са₅(Р0₄)_ЗF таркибида бўлади. Назарий жиҳатдан фтораппатит таркибида Р₂О₅ ни миқдори 39,4% дан кам бўлмаслиги керак. Аппатитларни туғма кони ҳам учрайди (саноат аҳамиятига эга бўлганлари).
Қуйида туғма ва табиий фосфатларнинг таркиби келтирилган.