Mavzu: 6 меҳнат хавфсизлиги бўйича инструктажлар kirish instruktaji

Mavzu:6 МЕҲНАТ ХАВФСИЗЛИГИ БЎЙИЧА ИНСТРУКТАЖЛАР Kirish instruktaji

Инструктажлар хусусиятлари ва утказилиш вақти бўйича қуйидагиларга бўлинади:

• 
  кириш;
  
• 
  иш жойида бирламчи;
  
• 
  такрорий;
  
• 
  режадан ташқари;
  
• 
  мақсадли.
  

1. 
   Кириш инструктажи
   

5.1.1. Меҳнат муҳофазаси бўйича кириш инструктажи бўлинмаларга янги ишга келувчи ходимга, унинг маълумоти, касби(лавозими), иш стажидан қатъий назар, тиббий кўрикдан ўтганидан кейин ҳамда вақтинчалик ишчиларга, барча турдаги ўқув муассаса амалиётчиларига (практикант); булардан ташқари командировкага юборилганларга, агар улар командировка вақтида амалий иш бажаришса, ўтказилади.
5.1.2. Кириш инструктажи ходим қабул қилинаётган иш жойининг шароитлари ва хусусиятларини акс эттирган кўргазмали қуроллардан фойдаланилган ҳолда мустақил бўлинмаларнинг меҳнат муҳофазаси кабинетларида меҳнат муҳофазаси бўлимлари ходимлари ёки бу мажбурият юклатилган бошқа ходимлар томонидан амалга оширилади.
Инструктаж ходим тиббий кўрикдан ўтганидан ва терапевт-врачнинг мазкур ишга соғлиги бўйича яроқли эканлиги ҳақидаги хулосасидан кейин ўтказилади. Инструктаж алоҳида ёки 10 та кишидан ортиқ бўлмаган ходимлар гуруҳи билан ўтказилиши мумкин. Ёнғинга қарши хавфсизлик чоралари тўғрисидаги инструктаж алоҳида ҳарбийлаштирилган ёнғиндан сақланиш қисмида ҲЁСҚ мутахассислари томонидан ўтказилади.
5.1.3. Кириш инструктажи дастурларини мустақил бўлинмаларнинг меҳнат муҳофазаси бўлими ишлаб чиқади ва бўлинма раҳбари тасдиқлайди. Уларнинг ҳажми иш шароитига, мураккаблик даражасига ва бажарилаётган ишнинг хавфлилигига боғлиқ. Кириш инструктажи дастурига киритилган зарур саволлар рўйхати 3-Иловада келтирилган.
5.1.4. Ходимларнинг кириш инструктажида олган билимларини инструктаж ўтказган ходим текшириши мумкин.
5.1.5. Кириш инструктажи ўтказилганлиги ҳақида кириш инструктажини қайд қилиш журналида ҳамда қабул қилиш хатида (Т-1 шаклдаги) инструктаж олган ва инструктаж ўтказганлар албатта имзолаган ҳолда ёзиб қўйилади.
Кириш инструктажини қайд қилиш журнали мустақил бўлинмаларнинг меҳнат муҳофазаси бўлимида сақланади. Сақланиш муддати 45 йил.
5.1.6. Кириш инструктажи ўтказмасдан ва қабул қилиш хатида белгиламасдан ишга қабул қилиш тақиқланади.