Mavzu №2. Kimyoviy analizning metrologik asoslari metrologiya haqida tushuncha

MAVZU №2. KIMYOVIY ANALIZNING METROLOGIK ASOSLARI

Metrologiya haqida tushuncha

• O'lchash bilan bog`liq umumiy masalalar, kimyoviy tahlil natijalarini ishlov berish va talqin qilish masalalari bilan shug'ullanadigan analitik kimyoning maxsus bo'limi kimyoviy metrologiya deyiladi.
• Metrologiya (yun. metron — oʻlchov va logos — taʼlimot) — oʻlchovlar, ularning bir xilligini taʼminlash usullari va vositalari hamda talab etilgan aniqlikka erishish yoʻllari haqidagi fan.
• Dastlab, M. turli oʻlchovlar (chiziqli kattaliklar, massa, sigʻim va boshqalar), shuningdek, turli mamlakatlarda qoʻllaniladigan tangalar va ular orasidagi nisbatlarni bayon etuvchi fan sifatida ifodalangan. 1975 yil 20 mayda Xalqaro Metrik Konvensiyaning imzolanishi, oʻlchovlar va tarozilar Xalqaro byurosi ilmiy institutining hukumatlar-aro darajada taʼsis etilishi M.ning rivojlanishida muhim ahamiyatga ega boʻldi.
• M. yuqori aniqlikdagi fizik tajribalarga tayanadi, u fizika, kimyo va boshqa tabiiy fanlar yutuklaridan foydalanadi, shu bilan birga, moddiy dunyo obʼyektlari xossalarining miqdoriy ifodalanishiga imkon beruvchi oʻziga xos qonun va qoydalarni belgilaydi. Oʻlchashlarning umumiy nazariyasi va natijalari (nazariy M.) ning haqqoniyligini baholash uzluksiz rivojlanmoqda; unga oʻlchash jarayonlari va bu jarayonlarning elementlari: oʻlchanayotgan kattaliklar, ularning birliklari, oʻlchash vositalari va usullari, oʻlchash sharoitlari, oʻlchash natijalarini tahlil qilish va oʻrganish natijasida olingan maʼlumotlar va umumlashmalar kiradi.