Мавзу-10 Бетон аралашмалари ва қурилиш қоришмаларини тайёрлаш, уларни ташиш ва бетон аралашмаларини ётқизиш ҳамда шиббатлаш машиналари

мавзу-10
Бетон аралашмалари ва қурилиш қоришмаларини тайёрлаш, уларни ташиш ва бетон аралашмаларини ётқизиш ҳамда шиббатлаш машиналари.
режа:
10.1 Бетон ва қоришма аралашмаларини тайёрлаш машина ҳамда
қурилмалари.
10.2. Бетон аралашмаларни ҳамда қоришмаларни ташиш ва узатиш
машиналари.
10.3. Бетон аралашмаларниётқизиш ва зичлаш(шиббатлаш) машиналари
Таянч сўзлар: тўлдирувчилар, бетон, қоришма, цементь, гравитацион бетон қоргич, ротор, автобетонқоргич, шланг, спираль, труба, горизонтал вал, корпус, втулка, куракча, редуктор, подшипник, тасмали узатма.

Бетон аралашмасини тайёрлаш ва ётқизиш ишлари мажмуасига бетон тўлдирувчиларини (щебень-майдаланган тош, шағал, қум ) тайёрлаш, бетон аралашмасини тайёрлаш, бетон аралашмасини ётқизиш жойига ташиш, бетон аралашмасини ётқизиш. Операция турига қараб қўйидаги машиналар ишлатилади:

- бетон тўлдирувчисини майдалаш;
- саралаш ва ювиш; бетон аралашмасини тайёрлаш (ёки қоришмани);
- бетон аралашмасини ташиш ҳамда бетон аралашмасини тақсимлаш (жойлаштириш) ва зичлаш.
10.1. Бетон ва қоришма аралашмаларини таиёрлаш
машина ҳамда қурилмалари
Аралаштириш машиналари бетон аралашмалари ва қоришмалар тайёрлашда қўлланилади. Вазифасига қараб улар бетон аралаштирувчи ва қоришма аралаштирувчиларга бўлинади.
Аралаштириш машиналари таснифланади:
1) материалларни аралаштириш усулига қараб – гравитацион (барабан айланганда материалларни эркин тушиш принципи асосида ишловчи) ва мажбурий аралаштириш (жараён айланувчи парраклар таъсирида амалга ошади);
2) технологик жараён кечиш тавсифига қараб циклик (даврий) ва узлуксиз ҳаракат;
3) бажарилишига қараб стационар ва кўчирилувчи.
Мажбурий аралаштирувчи узлуксиз ишловчи ҳамда даврий ишловчи аралаштиргичлар на фақат бетон аралашмасини тайёрлаш учун, шунингдек қоришма тайёрлашда ишлатилиши мумкин.
Циклик ишловчи аралаштиргичларнинг аосий параметри – тайёр аралашма ҳажми, литр. Бу ерда шуни эътиборга олиш керакким тайёр аралашманинг ҳажми, аралаштиргичга тушириладиган материаллар ҳажми йиғиндисидан камроқ. Узлуксиз ишловчи аралаштиргичнинг асосий параметри тайёр ишлаб чиқарилган маҳсулот бўйича унумдорлиги, м³/соат.
Бетон ва қоришма аралашмалари ҳамда қуруқ қоришма тайёрлаш, шаҳар қурилиш ширкатларида марказлаштирилган бетон ва қоришма корхоналарида ёки узелларида тайёрланади. Қурилиш майдонига бу қоришмалар махсус транспортларда ташиб берилади. Иш ҳажми кам ва корхона узоқ бўлганда бетон ва қоришмалар объектни ўзида тайёрланади. Кейинги пайтларда кўпинча объект қошида бетон тайёрловчи мобил қурилмалардан фойдаланилмоқда.