Mavzu: №1 Neft va gaz mahsulotlarini fizik-kimyoviy tahlil qilish usullari haqida ma’lumot

Fotokolorimetriya.Fotokolorimerik aniqlash ishlarida fotoelementning nur sezuvchi sirti yoritilishi natijasida paydo bo‘ladigan va zanjirdagi galvanometr yordami bilan yozib olinadigan fototok kuchiga qarab, rangli eritmadan o‘tgan nur jadalligi haqida fikr yuritiladi. Aniqlash ishlari maxsus asboblarda fotokolorimetrlarda olib boriladi. Asosan eng ko‘p tarkalgan fotokolorimetrlar ikki elkali yoki differensial fotokolorimetrlardir.

Fotoelektrokolorimetrda cho‘g‘lanuvchan lampa asbobning orqa qismida joylashgan. YOrug‘lik nurini fotoelementga faqat aniqlash vaqtida tushishini ta’minlash uchun nur o‘rtasiini berkitadigan parda mavjud. Parda tutkich 3 yordamida ochiladi. Har xil rangdagi nur filtrlagichlar asbobning orqa tomoniga mahkamlangan diska o‘rnatilgan nur filtrlagichlar tutkich 9 yordamida suriladi. Tutkichda nur filtrlagichlarning soni ko‘rsatiladi. Tajribani boshlashdan oldin asbobga kyuvetalar to‘plami (3 ta kyuveta) o‘rnatiladi. YOrug‘lik nuri eritma solingan kyuvetadan o‘tib fotoelementga tushadi. Har bir fotoelementning yoritilganligi diafragma yordamida sozlanadi, diafragma tirqishining kengligi olinuvchi barabanlar (5) ga ikkita shkala (6) chizilgan. Qora shkala-yorug‘lik o‘tkazish shkalasi-yorug‘lik o‘tkazishkoeffitsientini ko‘rsatadi. Qizil shkala tekshiriladigan eritmaning optik zichligini ko‘rsatadi.

FEK-56M asbobida cho‘g‘lanuvchi lampa RN-35 (8V,35Vt) va simob-kvarsli lampa DRK-120 ishlatiladi. Ular 315-630 nm diapazonda ishlash imkonini yaratadi.