Мавзу: ” Умумий ва анорганик кимё ” фанига кириш. Кимёнинг асосий тушунчалари. Анорганик бирикмаларнинг асосий синфлари

Оддий модда шартли равишда икки турга бўлинади:

1. 
   Металлар(Na, Fe,Ca,K...)
   
2. 
   Металлмаслар(О₂, Р, Н₂ ...)
   

Шартли деганимизнинг маъноси бу бўлиниш уларнинг физик ва кимёвий хоссаларига асосланган.Лекин баъзи холларда металл металлмаслик , металлмас эса металлик хоссаларини намоён қилади.
Металларнинг физикавий хоссалари: ялтирок, электр токини ва иссиқликни яхши ўтказади, оддий шароитда қаттик( симобдан ташкари), суюқланиш ва қайнаш температураси юқори, зичлиги катта, эластик, болғаланувчан, чўзилувчан... бўлади.
Типик металларга ишқорий ва ишқорий ер металлари киради.
Металлмасларнинг физикавий хоссалари металларнинг хоссаларига тескаридир.
Уларнинг бирикмаларида хам бироз фарқли жихатлар кўзга ташланади. Типик металлар асосли оксидлар , асослар хосил қилса типик металлмаслар эса кислотали оксид ва кислоталар хосил килади.
Табиатда оддий моддалар камдан кам эркин холда учрайди.Масалан хавода-20-21% О₂, 78%-N₂ , 1% га якин инерт газ ва бошка газ ва заррачалар бўлади. Au, Ag табиатда эркин холда купрок учрайди Fe, Hg эркин холда кам бўлиб бирикмалар холида учрайди.
Мураккаб моддалар - хар хил турдаги атомлардан тузилган моддалар.
Улар 4 га бўлинади:

1. 
   Оксидлар
   
2. 
   Асослар
   
3. 
   Кислоталар
   
4. 
   Тузлар.
   
5. 
   Бинар бирикмалар
   

Оксид – бири кислород бўлган икки элементдан ташкил топган моддалар ёки элементларнинг кислородли бирикмалари.(Переоксидлар бунга кирмайди).
Оксидлар табиатда кўп тарқалган ва кундалик турмушимизда ва саноатда кенг миқёсда ишлатилади.Энг мухим оксидлар:

• 
  Водород оксиди – Н₂О сув бусиз хаёт йуқ.
  
• 
  SO₃ – олтингугурт (VI)- оксиди сульфат кислота олиш ва озик овкат махсулотларига ишлов беришда ( масалан меваларнинг сакланиш муддатини ўзайтиришда)
  
• 
  Fe₃O₄ (Fe₂O₃, FeO) – буёқ олиш, электрод ясаш ва асосан металлургияда Fe олишда ишлатилади.
  
• 
  СаО – сўндирилмаган охак қурилиш ишларида ишлатилади.
  
• 
  TiO , ZnO сувда эримайдиган ок рангли модда бўлиб “ Белила” буёқлари ишлаб чиқаришда ишлатилади.
  
• 
  SiO₂ шиша ишлаб чикаришнинг асосий хом ашёси ҳисобланади.
  
• 
  Cr₂O₃ –яшил шиша ва керамик махсулотлар ишлаб чиқаришда ишлатилади.
  
• 
  СО₂ – сода(Na₂CO₃ , NaHCO₃) ишлаб чикаришда, ўт учиришда, қуруқ муз олишда совутиш воситаси сифатида ишлатилади.
  

Улар қуйидаги турларга бўлинади:

1. 
   Асосли оксид.
   
2. 
   Кислотали оксид.
   
3. 
   Амфотер оксид.
   
4. 
   Бетараф оксид.
   
5. 
   Қўш оксид.