Mavzu : Konsultativ psixologiyaning fan sifatida rivojlanishi Reja: 1

1.Konsultativ psixologiyaning fan sifatida rivojlanishi, nazariy manbasi va ularning bugungi kundagi mohiyati, hamda metodlari.
Fanining maqsadi va vazifalari:
Fanni o‘qitishdan maqsad – talabalarga shaxs shakllanishi va taraqqiy etishida, uning hayot bosqichlarida yuzaga keladigan muammolarning sabablarini tushunib etishiga, ularni hal qilishda to‘g‘ri yo‘l-yo‘riqni tanlay olishga yordam ko‘rsatishni, psixokorreksiya qilish usullarini o‘rgatishdan iborat. Fanning vazifasi - shaxs psixik taraqqiyotdagi turli muammolar natijasida bo‘ladigan buzilishlarni o‘z vaqtida aniqlash hamda tibbiy, pedagogik, psixologik maslahatlarni tashkil etishga o‘rgatish; psixologik maslahat ishlarini olib borishda maxsus guruhlar bilan maxsus tuzatish ishlarini olib borish. Psixologik korreksion ishlarni olib borish, zarur tavsiyalar tuzish ko‘nikmalarini shakllantirishdan iborat
Fan bo‘yicha talabalarning bilim, ko‘nikma va malakasiga qo‘yiladigan talablar :
“Konsultativ psixologiya va psixokorreksiya” o‘quv fanini o‘zlashtirish jarayonida amalga oshiriladigan masalalar doirasida bakalavr:
- psixologik maslahat turlari, ko‘rinishlari va fanga oid bo‘lgan ilmiy test va metodikalarini bilishi kerak;
- shaxs psixik taraqqiyotidagi muammolar, ularning profilaktikasi, diagnostikasi va korreksiya qila olish ko‘nikmalariga ega bo‘lishi kerak.
-nazariy bilimlarni amaliyotda qo‘llay olish malakalariga ega bo‘lishi kerak. Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviyligi :
“Konsultativ psixologiya va psixokorreksiya” fani, bir tomondan, psixologiya fanining boshqa tarmoqlari, shuningdek, umumiy psixologiya, ijtimoiy psixologiya, yosh davrlari psixologiyasi kabi fanlar bilan uzviy bog‘langan. Ikkinchi tomondan, konsultativ psixologiya va psixokorreksiya bir qator ijtimoiy va tabiiy fanlar bilan – sotsiologiya, pedagogika, meditsina, biologiya fanlari bilan aloqador.
Fanning ta`limdagi o‘rni: “Konsultativ psixologiya va psixokorreksiya” fani bo‘yicha bilimlar yosh avlodni barkomol inson bo‘lib etishtirishda, etuk mutaxassis bo‘lib faoliyat ko‘rsatishida zarur hisoblanadi. Psixologiya fanining amaliy jabhalarini rivojlanishiga turtki vazifasini o‘taydi. Fanni o‘qitishda zamonaviy axborot va pedagogik texnologiyalar :Talabalarni konsultativ psixologiya va psixokorreksiya fanini yaxshi o‘zlashtirishlarida o‘qitishning ilg‘or va zamonaviy usullaridan foydalanish, yangi informatsion pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron materiallar hamda virtual stendlardan foydalaniladi. Ma’ruza va laboratoriya darslarida mos ravishdagi ilg‘or pedagogik texnologiyalardan foydalaniladi. Psixologik maslahat ishlarini olib borishning “Besh qadamlik” modeli : A.Ayvi va M.Ayvi tomonidan tavsiya etilgan modelni o‘rganish. Ayvi modeli bosqichlarini tahlil qilish. Mijoz bilan kontakt o‘rnatish. Muammo xaqida ma’lumot to‘plashning xususiyatlari. Kutilayotgan natijani shakllantirish. Natijaning alternativalarini topish. Natijalarni umumlashtirish va anglash.   Xulq-atvorida muammolar bo‘lgan bolalar bilan konsultativ va korreksion ishlarni olib borish. Xulqi og‘ishganlikning tibbiy-biologik, psixologik, oilaviy tarbiya va maktab ta’limi bilan bog‘liq sabablarini maslaxat davomida aniqlash. Xarakterologik va patoxarakterologik reaksiyalar. Nevrotik reaksiyalar. O‘yin terapiyasi. Rasm chizish orqali davolash terapiyasi. Psixogimnastika. Shaxslararo munosabatlardagi muammolar konsultatsiyasi va amaliy yordam. SHaxslararo munosabatlardagi muammolar xususiyatlari. Nizolar va ularning turlari. SHaxslararo munosabatlardagi muammoli vaziyatlarda psixologik maslahat va psixokorreksiya.