Mavzu № Ko’krak yoshidagi bolani parvarish qilish. Erta yoshdagi bolalarni tarbiyalash elementlari, kun tartibi, uyqu rejimi. Chiniqtirish haqida tushuncha. Erta yoshdagi bolalarni jismoniy va nerv-psixik tarbiya vositalari

Mavzu № 2.
Ko’krak yoshidagi bolani parvarish qilish. Erta yoshdagi bolalarni tarbiyalash elementlari, kun tartibi, uyqu rejimi. CHiniqtirish haqida tushuncha. Erta yoshdagi bolalarni jismoniy va nerv-psixik tarbiya vositalari. Bir yoshgacha bo’lgan bolalarni tarbiyalash tizimida jismoniy va nerv-psixik vositalarni qo’llash. Sut tishlari va ularni yorib chiqishi, bu davrda bolani parvarishlash.
Ko’krak yoshidagi bolani parvarish qilish.
Erta yoshdagi bolalarning kun va uxlash tartibi
Kun tartibi. Bolalar jamoasida tarbiyaviy ishning asosiy jihati – belgilangan kun tartibidir, ya’ni vaqtni to’g’ri taqsimlash va faollik, hara-katchanlik, izchillik, uyqu, taom qabul qilish va boshqalar. Pediatrlar, psixolog, pedagoglar va gigiyena sohasi mutaxassislari turli davolash profilaktika va bolalar muassasalari faoliyatlarining o’ziga xos jihatlariga , bolalarning yoshiga qarab standartlashtirilgan tartibni ishlab chikishgan. Bolalar ta’lim muassasalarida, shu jumladan tibbiyot muassasalaridagi kundalik tartibni o’ziga xos afzalliklarini hisobga olgan holda yosh guruhlarga ajratiladi. Bolaning o’sishi,rivojlanishi qanchalik kuchaysa, kun tartibi ham shunchalik tez o’zgaradi. Masalan, chaqaloqlar guruhida kun tartibi yiliga 4 marta o’zgartiriladi, 1 yoshdan 2 yoshgacha bo’lgan bolalar guruhida 2 marta. Bemorlar va jismonan zaif bolalar tartibi (rejim) o’sha yoshdagi sog’-lom bolalar tartibidan farq qilishi kerak. Shuning uchun, jismonan zaif-lashgan bolalarda, uyg’onish davrining davomiyligi qisqaradi va dam olish va uyqu vaqti uzoqroqqa cho’ziladi. Bolalar kasalxonalarida tartibga rioya qilinishi, muolajalar bajarilishini bosh hamshira kuzatadi. Ayrim bemor bolalar uchun alohida kunning amallar tartibi ishlab chiqilishi ham mumkin. Bemorlar kun tartibiga qat’iy amal qilishini ta’minlash shart va tibbiyot xodimi ham bunga amal qilishi lozim: bemorni belgilangan vaqtdan erta turg’izish mumkin emas. Kun tartibiga (1jadval) amal qilish bemorning tezroq sog’ayishiga yordam beradi chunki bunda bemorning dam olish, ovqatlanish vaqtlari va shu kabi jarayonlar nazorat ostida bo’ladi. Bemorning sog’ayishida eng muhum elementlardan biri bu jismoniy harakatlarni cheklash. Bu birincha navbatda og’ir kasallar uchun taalluqli bo’ladi. Masalan: gipertonik kriz vaqtida, miokard infarkti, yurak yetishmovchiligida harakar cheklanishi juda muhim omildir. Bunday vaqtda jismoniy faollik yomon oqibatlarga olib kelishi mumkin.