Mavzu № Ko’krak yoshidagi bolani parvarish qilish. Erta yoshdagi bolalarni tarbiyalash elementlari, kun tartibi, uyqu rejimi. Chiniqtirish haqida tushuncha. Erta yoshdagi bolalarni jismoniy va nerv-psixik tarbiya vositalari

Bolani rivojlanish va o’zini tutishining nazorati.
Kichik yoshdagi bolalar bilan jismoniy tarbiya mashg’ulotlarini o’tka-zishda
shuni esda tutish kerakki,bolaga haraktlar bajarilishini buyruq ohangida, noto’g’ri
bajarsa jerkib yoki majburlab mashq qildirish mumkin emas. SHuning uchun bolalrni
qiziqarli,quvnoq harakatlar qildirib,o’yin tarzida mashg’ulotlarni olib borish,bola
gimnastika mashqlarini ishtiyoq va faollik bilan bajarishiga erishish ijobiy natijalar beradi.Buning uchun mashg’ulotlarda koptok,tayoqcha,obruch,kalta arqonchalar,
zinachalar va boshqalardan foydalanish lozim. Gimnastika mashg’ulotlarini olib borishda quyidagi asosiy qoidalarga rioya qilinadi :
1) barcha muskullar guruhi mashqlar bilan qamrab olinishi (elka qismi, bel, qorin, oyoqlar)
2) mashqlarni galma gal bajarilishi va dam olish
3) asl holatiga qaytish
4) 1-3 yoshli bolalarga gimnastika mashqlari gavda harakatlari ko’nik-malarini rivojlanishiga yo’naltirilgan.
4 yoshdan oshgan bolalar jismoniy tarbiya mashqlarida sport o’yinlari elementlari, estafeta bahslari,koptok irg’itish o’yinlari va boshq. qo’llash mumkin. Jismoniy tarbiya mashg’ulotlari dasturlarda ko’rsatilganidek ki-rish qismi (maydalab yurish, yugurish, yurish) asosiy muskullar guruhining umumiy rivojlantiruvchi harakatli o’yinlar 4-5 mashqlar, yakuniy qismdan (yurish va nafas chiqarish mashqlari) iborat bo’ladi.
Jismoniy tarbiyaning massaj va gimnastika kabi usullari nafaqat sog’lom bolalar harakat ko’nikmalarini orttiruvchi, atrofdagi tashqi ta’sir salbiy jihatlarini yengishga o’rgatuvchi,balki betob bo’lib qolgan bolalarni davolash usuli ekanligini unutmaslik lozim.