Mavzu № Ko’krak yoshidagi bolani parvarish qilish. Erta yoshdagi bolalarni tarbiyalash elementlari, kun tartibi, uyqu rejimi. Chiniqtirish haqida tushuncha. Erta yoshdagi bolalarni jismoniy va nerv-psixik tarbiya vositalari

Estetik ta’lim – estetik tuyg’ularni tarbiyalash, haqiqatga munosib munosabat, tabiatda, hayotda, san’atda go’zal bo’lgan har bir jarayonga muhab-batni shakllantirish bo’lib,badiiy adabiyot, chizmachilik, kuylash, musiqa, mantiq va raqs estetik ta’lim vositasi hisoblanadi.
Ruhiy (aqliy) tarbiya – bu bolalarda tabiat va hayot fenomeniga oid to’g’ri g’oyalarni shakllantirish, aqliy qobiliyatlarni rivojlantirishdan iborat. (diqqat,iroda,
tasavvur, fikrlash, nutq, xotira) Ruhiy tarbiya shuningdek, mustaqil ravishda bilim
olish va ularni amalda qo’llash qobiliyatini shakllantirishni o’z ichiga oladi. Zehni
rivojlanishida bolaning kattalar bilan, shuningdek atrofidagi boshqa bolalar bilan
muntazam aloqasi muhim ahamiyat kasb etadi. Bola unga murojaat qilgan nutqni
eshitishi kerak, aks holda ona tilini mukammal egallashini kutish qiyin.
Talaffuzida kamchiliklar uchrasa,zarur bo’lsa logoped bola bilan nutqni
rivojlantirish mashg’ulotlarini olib borishi,onaga bu borada kerakli tavsiyalarni
berishi kerak.
Logopediya (yunon logosidan – so’z, paideia – tarbiya, ta’lim) –
pedagogikaning bir qismi, tibbiyot bilan chambarchas bog’liq, nutq tartibsizliklarini
o’rganish va ularni oldini olish usullarini ishlab chiqish bilan shug’ullanadi.