Мавзу № Болалар касалхонасининг тузилиши. Болалар касалхонасини ишлаш

 
Беморлар учун овқат ошхонада тайёрланади.
У шифохонанинг хўжалик 
бўлимида жойлашган бўлади. Катта ҳамшира тузган овқат миқдорига қараб 
хар доим шу асосида овқат тайёрланади, у бу маълумотларни палата 
ҳамширалардан олади. Касал бемор касалхонага келиб тушиши билан унга 
пархезли таомларни қабул қилган навбатчи шифокор томонидан белгиланади. 
Белгиланган пархез касаллик тарихига ёзилади. Тайёр бўлган овқатни ёпик 
транспортда 2 соат ичида бўлимга олиб келинади. Одатда ташиш учун 
термослар, аравача термослар ёки бўлмаса оғзи қаттик ёпилувчи идишлар 
ишлатилади, уларда албатта «тушлик» деб ёзилган белгиси бўлиши керак. 
«Тушлик» қайси бўлим учун,пархез ёки физиологик стол номери биринчи ёки 
иккинчи овқатлиги кўрсатилади. Сут ва сут маҳсулотларни ташиш учун 
алоҳида белги ишлатилади. 
Шифохона таъминлайдиган асосий овқатдан 
ташқари беморларга қариндошлар томонидан овқат олиб келишга 
рухсат этилган.
Одатда олиб келинган овқат таркибини, миқдори ва 
фойдалилиги кузатилади, беморга белгиланмаган овқат қабул килинмайди. 
Овқатлар полиэтилен пакетларда қабул қилинади, уларнинг миқдори 2-3 кунга 
етадиган миқдордан ортмаслиги керак, улар шкаф ва музлатгичларда 
сақланади (сут ва гўшт маҳсулотлари алоҳида). Қуруқ озиқ-овқатлар кароват 
олдидаги тумбочкада сақлаш мумкин. Олиб келинган овқат асосий овқатдан 
сўнг пархез турига, болани ёши ва иштаҳасига қараб берилади.