Mavzu №. Amaliy mashg’ulot

Skelet cho‘zilishi bo‘lgan bemorlarni parvarishlash. Bunda samarali bo‘lgan skelet cho‘zuvchilar – bu yukning suyakka to‘g‘ridan-to‘g‘ri ta’sirqilishidir. Skelet cho‘zilishi kerakli massa vaznini tortishga imkon beradi. YOnbosh cho‘zilishlarda, uzunasiga yuk bilan bartaraf qilib bo‘lmagan holatlarda, qo‘shimcha yonbosh tarafdan yuk qo‘yiladi. Skelet cho‘zilishi metodi suyak bo‘laklarini to‘liq konsolidatsiyasi bo‘lguncha fiziologik holatlarda ushlab turadi.
CHo‘zish uchun qo‘llaniladigan yuk massasi, bemorning yoshi, muskulning rivojlanish darajasi, surilish kattaligiga qarab belgilanadi: son suyagi singanda cho‘zish uchun taxminan tana massasining 5- dan bir qismi (8-12 kg-li yuklar), bolder suyaklari singanda- 2 4 kg- li yuklar qo‘llaniladi. YUkni zanjir oxiriga osib qo‘yish maqsadga muvofiq emas, yaxshisi ular o‘rtasida metal prujina bo‘lgani ma’qul. Elkadagi sinishlarda, cho‘zish odatda elastic rezina tomonidan ta’minlanadi. Kerakli yuk bir necha kun osib qo‘yiladi. Traksiyaning yo‘nalishi shikastlangan suyakning bo‘ylama o‘qiga to‘g‘ri kelishi kerak.
CHo‘zishning davomiyligi 4 dan 8 haftagacha davom etadi. Ushbu vaqt davomida suyak bo‘laklarining holatini rentgenologik tekshirish takrorlanadi va agar lozim bo‘lsa, korreksiyalanadi. Dislokatsiya bartaraf etilgandan so‘ng yuk massasi kamaytiriladi. Spitsa qo‘yilgan sohalarda infeksiya rivojlanshidan ehtiyot bo‘lish kerak. Skelet cho‘zuvchi repozitsiya uch kun ichida bajarilishi kerak. Agar bu usul foyda bermasa operativ amaliyot haqida o‘ylab ko‘rish lozim.
Skelet cho‘zish doimiy kuzatuv va parvarishni talab qiladi. Spitsalar atrofi rivojlanishi mumkin bo‘lgan infeksiyani oldini olish uchun spirt bilan artib turilishi kerak. Suyak bo‘laklarining uzoq muddat yumshoq to‘qimaga ta’siri natijasida ichkaridan epidermal pufaklar va yotoq yaralar rivojlanishi mumkin. SHuning uchun, deformatsiya aniqlangan taqdirda, uni lateral yo‘nalishda qo‘shimcha tortish yoki suyak bo‘laklari ustiga qo‘yiladigan qum xaltachalari yordamida olib tashlash kerak. Repozitsiyadan so‘ng yuklarning og‘irligini kamaytirish kerak.
Ayniqsa yoshi kattalar yotoq xolatida uzoq vaqt qolishi, pnevmoniya va yotoq yaralar kabi dahshatli asoratlarning rivojlanishi uchun sharoit yaratadi.
O‘pkada dimlanish xolatlari profilaktikasi uchun bemor nafas gimnastikasini bajarishi, massaj olishi, uzoq muddat o‘tirgan holatda bo‘lishi kerak. Kelib chiqqan asoratlarni vaqtida aniqlash uchun vaqti-vaqti bilan o‘pkani eshitib turish kerak.