Matnshunoslik

2-mavzu. Islom va yozuv. Arab yozuvi va musulmon kitobatchiligi an’analari, qo‘lyozma matnlar va ularning umumiy belgilari, xat turlari
Turonzamin erlariga islom dini va arab yozuvining kirib kelishi. Islom madaniyatida kitobat san’ati. Basmala, hamd, na’t, bag‘ishlov xatmul-kitob, kolofon. O‘rta Osiyoda hadis ilmining rivoji. Qur’oni Karimni tafsirlash, sharhlash, fiqhiy masalalar bilan bog‘liq ijmo’, aqoyid ilmlarning keng yoyilishi. Xat turlari.
3-mavzular. Temuriylar davri matnshunosligi (XV asr)
Temuriylar davri o‘zbek matnshunosligi rivojining 2-bosqichi sifatida. Boysung‘ur Mirzo. Boysung‘ur mirzo kutubxonasi. “SHohnoma” matni rekonstruksiyasi. Alisher Navoiy. Navoiy va kitobat san’ati. Xattotlik. Temuriy shahzodalar faoliyatida kitobatga e’tibor. Bu davrda yaratilgan manbalarning janriy o‘ziga xosliklari. Gloss, interpolyasiyalar, abjad, ta’rix, muammo.
4-mavzu. XVI- XIX asrlar o‘zbek matnshunosligi. Lug‘atlar va ularning asar matnlari sharhidagi o‘rni
XVI–XIX asrlar o‘zbek matnshunosligida ko‘ringan yangiliklar. Manoqiblar, tazkiralar, yig‘ma-qiyosiy matnlar. Litografiya nashrlarining paydo bo‘lishi, fixristlar, atributsiya. Noshirlik ishlarining jonlanishi.
O‘zbek matnshunosligi tarixida lug‘atchilik ishlarining paydo bo‘lish sabablari. Lug‘atlarning matnshunoslik rivojidagi o‘rni. Devoni lug‘otit-turk. Navoiy asarlariga bag‘ishlangan lug‘atlar.
5-mavzu. XX asr va mustaqillik davri o‘zbek matnshunosligi
XX asrda mumtoz adabiy merosga munosabat masalasi. XX asr boshlarida Turkistonda matbaachilik rivoji. Jadidlarning matnshunoslik faoliyati. SHo‘rolar davrida matnshunoslik. P.Shamsiev, H.Sulaymon, S.G‘anieva ilmiy tadqiqotlarida matnshunoslikka oid qarashlar. Navoiy asarlari matnlari tadqiqi. Mustaqillik davrida matnshunoslik rivoji.
II MODUL. MATNSHUNOSLIK ASOSLARI
6-mavzu. Qo‘lyozma manbalar: matn tarixi
Matn tarixi tushunchasi. Matn tarixini tiklashning xalqimiz ma’naviy hayoti tarixini o‘rganishdagi o‘rni. To‘liq, nuqsonli, tuzatilgan (tahrir qilingan) va tugatilmagan matnlar. Matn tarixi tadqiqida bevosita va bilvosita belgilarning o‘rni.