Matnshunoslik

Kursni o‘qitishning maqsadi va vazifalari: Fanning maqsadi – muayyan malakaga ega matnshunos mutaxassislar tayyorlash, talabalarda “Matnshunoslik” fani bo‘yicha yetarli bilim, malaka va ko‘nikma hosil qilish, ularni qadimiy merosimizga hurmat va muhabbat ruhida tarbiyalash hamda kelajakda ilmiy faoliyat bilan shug‘ullanishlari uchun zamin hozirlashdan iborat.
“Matnshunoslik” fanining vazifalari – talabalarda shu fanning asosiy masalalari, mavzulari, xulosalari, umumlashmalari haqida tasavvur tug‘dirish, eski o‘zbek yozuvidagi manbalarni o‘qish, uqish, tahlil va talqin qilishga o‘rgatish. qadimiy matn adabiy-badiiy asar tahliliga o‘rgatishdan iborat.
Kursning tarkibiy qismi

Asosiy nazariy qism (Ma’ruza mashg‘ulotlari) I.MODUL. O‘ZBEK MATNSHUNOSLIGI VA UNING RIVOJLANISH BOSQICHLARI 1-mavzu. Kirish. Matnshunoslik fanining predmeti va vazifalari. O‘zbek matnshunosligi shakllanishining tarixiy ildizlari O‘zbek xalqining ko‘p ming yillik tarixi, boy ilmiy-ma’naviy merosi, adabiyot va san’ati haqidagi qimmatli ma’lumotlar qo‘lyozma manbalarda aks etishi. O‘zbekiston mustaqillikka erishgandan keyin uning ilmiy-tarixiy va madaniy merosini tiklash davlat siyosatining ustuvor yo‘nalishidan biriga aylanishi. Turli qo‘lyozma manbalarni topish, tadqiq qilish va nashr etish ishlarining keskin jonlanishi.O‘zbekiston Respublikasi Prezidenti SHavkat Mirziyoev tomonidan 2017 yil 24 mayda imzolangan “Qadimiy yozma manbalarni saqlash, tadqiq va targ‘ib qilish tizimini yanada takomillashtirish chora-tadbirlari to‘g‘risida”gi Qarori mazmuni va undan kelib chiqadigan vazifalar. Matnshunoslik fanining predmeti: qo‘lyozma manbalar va yozma matnlar. Badiiy asarning yozma yodgorlik sifatidagi qimmati. Matnshunoslikdagi yondashuvlar: editsion, arxeografik, germenevtik, ekzegetik. Matnshunoslik vazifalari: 1.Matn tarixini o‘rganish. 2.Matn talqinini tadqiq etish. 3. Matn tuzish. Yozuvlarning paydo bo‘lishi ( piktografik, ieroglifik, fonografik, xorazmiy, sug‘diy, pahlaviy, boxtariy, uyg‘ur yozuvlari). Kitob bosishning ilk namunalari. Oltin yorug‘. “Devonu lug‘otit turk”.