«materialshunoslik»

О ‘rilgan tesma lenta to‘qish mashinalaridan paxta yoki shtapel kalava ipdan, kompleks viskoza iplardan, ba’zan rezina tolalar qo‘shib to‘qiladi. Tesma to‘qish jarayonida ipning tashkil qiluvchilari bir biriga nisbatan burchak ostida joylashadi, shuning uchun tesma ancha cho‘ziluvchan bo‘ladi va har xil shaklli kesiklarni mag‘izlash uchun ishlatiladi.

To‘qilgan tesma arqoq to‘qish va tanda to‘qish mashinalarida paxta shtapel, viskoza lavsan kalava ip, hajmdor iplardan to‘qiladi (8.6- rasm).

8.6- rasm. Tesmalar.

Strukturasi jihatidan tesma tekis silliq sirtli zich, relyefdor naqshli zich va bejirim bo‘lishi mumkin.

Tesmalarning eng keng tarqalgan xillari:

“Vyunchik” tesmasi - paxta, viskoza, atsetat alyunitli viskoza tolalardan to‘lqinsimon shaklda o‘riladi; eni 0,5 - 1 sm;

“Ogonyok” - har xil rangli viskoza iplardan o‘riladigan bezak tesma; eni 0,4 sm;

“Rosinka” bezak tesmasi - merondan soch tipida o‘rilgan, kompleks viskoza ip bilan tortilgan tesma; eni 0,6 sm;

“Merejka” bezak tesmasi - kompleks viskoza iplardan “merejka” tipida gul hosil qilib o‘riladi; eni 0,6 sm;