Материалларни бичиш ва қирқиш технологик жараёнларини тузиш ва асослаш

Бошқарувнинг ўзига хос аниқ функциялари
2-жадвал

№	Бўлимлар	Масъул шахс	Аниқ функциялар
1	2	3	4
1	Корхона	Директор, раис	*хукумат қарорларини корхона фаолиятига изчиллик билан татбиқ қилишни таъмирлаш; *давлат бюджети, буюртмачилар, етказиб берувчилар олдидаги мажбуриятларнинг бажарилишига жавоб бериш; *корхона фаолиятини ташкил қилиш, уни мувофиқлаштириш, назорат қилиш ва ҳ.к.
2	Режа-иқтисод бўлими	Директор (раис)- нинг иқтисодий масалалар бўйича муовини	*жорий ва истиқболдаги режалар лойиҳасини тайёрлаш; *бизнес-режани тузиш; *моддий ва меҳнат харажатлари меъёрларини ишлаб чиқиш; *техник иқтисодий кўрсаткичларни таҳлил қилиш; *ишлаб чиқариш бўйича ҳисобот тайёрлаш ва ҳ.к.
3	Технология бўлими	Бош мухандис	*иқтисодий жиҳатдан илғор технологияни жорий қилиш; *ишлаб чиқариш жараёнларини механизациялаштириш, автоматлаштириш ва ҳ.к.
4	Конструкторлик бўлими	Бош мухандис	*янги конструкциядаги буюмларни яратиш; * эски буюмларни замонавийлаштириш; *маҳсулотнинг техника эстетикасига, ишлаб чиқаришнинг иқтисодий технологияси ҳамда хавфсизлик техникаси талабларига мос келишини таъминлаш; *янги буюмларни синаб кўришда қатнашиш ва ҳ.к.
5	Стандартлаш-тириш бўлими	Бош мухандис	*стандартлаштириш ҳамда меъёрлаштириш ишларини режалаштириш ва бажариш; * ҳужжатлаштириш техникасини ва янги маҳсулотни назорат қилиш; * янги, амалдаги стандарт ҳамда техник шарт-шароитларни ишлаб чиқиш ва ҳ.к.
6	Меҳнатни ташкил қилиш ва иш ҳақи	Директор (раис)- нинг иқтисодий масалалар бўйича муовини	*меҳнат қонунларига риоя қилишни назорат этиш; *иш ҳақи фондини сарфлашни таҳлил қилиш; *меҳнатни меъёрлаш ишини уюштириш ва уни амалга ошириш; *тариф сеткаси ва коэффициентларининг тўғри қўлланилишини таъминлаш; *ходимлар меҳнатини ташкил этишни такомиллаштириб бориш ҳ.к.
7	Меҳнатни муҳофаза қилиш	Бош мухандис	*меҳнатни муҳофаза қилиш ва хавфсизлик юзасидан хавфсиз ва соғлом меҳнат шароитларини яратиш; *меҳнатни муҳофаза қилиш соҳасидаги тадбирларнинг бажарилиши, қонунлар, йуриқномалар, қоида ва меъёрларга риоя қилинишини назорат қилиш;
8	Кадрлар бўлими	Директор (раис)-нинг иқтисодий масалалар бўйича муовини	*корхонани маълум касб ва мутахассисликка эга бўлган ишчи ва хизматчи кадрлар билан таъминлаш; *ишлаб чиқариш таълими ва малака оширишни уюштириш; *кадрлар қўнимсизлигини ўрганиш; *меҳнат интизомининг ҳолати, ички тартиб қоидаларига риоя қилишни назорат қилиш ва ҳ.к.