Материалларни бичиш ва қирқиш технологик жараёнларини тузиш ва асослаш

Смена учун пойабзал устки деталларини материалга эҳтиёжини йиғма жадвали.
24-жадвал

№	Материал номи	Материалга эҳтиёж
		Смена учун		Йилига
		Дм^2, пог. метр	Чарм ёки рулон	Дм^2, пог. метр	Чарм ёки рулон
1	2	3	4	5	6
1	Бузоқ чарими	7705,2	86,5	–	21247,0
2	Ярим тана	116464,0	100,7	–	25465,2
3	Тана	20391,5	134,5	–	32660,8
4	Қўй чарми	8903,1	139,8	–	31620,2
5	Сунъий муйна	190,8	–	39122,5	–
6	Тик-саржа	40,0	–	8949	–
7	Бўз	163,7	–	38296	–

Изоҳ: Смена учун пойабзални устки деталларини йиғма жадвалларини ҳисоблаганимизда материални номи ва материалга эҳтиёжини смена ва йилига ҳисоблаймиз.

6. ИЖТИМОИЙ-ИҚТИСОДИЙ ҚИСМ.
6.1. Катта ёшдаги аёллар паст пошнали туфлисини ишлаб чиқишни замонавий бошқарув функцияларидан фойдаланиб режалаштириш

Бошқарув бу ташкилотнинг ўз олдига қўйган мақсадга эришиши учун йўналтирилган жараёндир. Бу бошқарув фаолияти ҳаракатининг кетма-кет бажариш жараёни бўлиб фирманинг бир қатор ишлаб-чиқариш ва ижтимоий масалаларини ечиш ва уларни амалга ошириш учун зарур. Бу ҳаракат бошқарув вазифаларини бажариш деб аталади.

“Функция” сўзи лотин тилидан олинган бўлиб бажариш вазифа, фаолият, мажбурият маъносини билдиради.
Бошқарув функциялари - фаолиятининг алоҳида турлари бўлиб, жамиятни бошқариш жараёнида одамлар муносабати ва алоқаларини мақсадга мувофиқ таъсирини амалга ошириш босқичлари ва йўналишларини кўрсатади. Бошқарув функциялари таркиби бошқарув тизимининг унинг ҳолатидаги ҳар қандай ўзгаришга самарали муносабатини таъминлаш зарур. Бошқарув функцияларини қуйидаги белгиларни ҳисобга олган ҳолда кўриб чиқиш зарур:
1) бошқарув жараёнининг хусусиятлари, яъни менежментга тегишли белгиларнинг ажралиши;
2) ижтимоий ривожланиш жараёни. Бошқарувнинг бу жараёни аниқ элементларга, яъни жамиятнинг ҳаёт фаолиятига йўналтирилган.
Бошқарувнинг асосий функцияларига қуйидагилар киради:

1. 
   режалаштириш;
   
2. 
   ташкил этиш;
   
3. 
   тартибга солиш;
   
4. 
   рағбатлантириш;
   

Барча санаб ўтилган асосий функциялар биргаликда амал қилади ва ўзаро бир-бирига боғлиқ. Лекин ижтимоий бошқарувнинг бир поғонасидан бошқасига ўтишда уларнинг роли ва муносабатлари ўзгаради.
Бошқарув тизимини мукаммаллаштиришнинг зарур шарти бўлиб унинг функциялари таҳлили ҳисобланади. У қуйидагиларни назарда тутади:

• 
  ишлаб чиқилган мезонлар асосида бошқарув объектлари тузилмасини аниқлаш;
  
• 
  иш ва операциялар турлари, бошқарув функцияларининг ажралиши;
  
• 
  бошқарув тизимининг функционал ва чизиқли бўғинлари ўртасида аниқ меҳнат тақсимоти;
  
• 
  лавозим инструкциялари ва тузилма бўғинлари ҳақида ҳолатларнинг мавжудлиги;
  
• 
  менежментнинг барча асосий функциялари асосида бошқарув фаолияти билан солиштириш йўлларининг асосланиши.
  

Бошқарув бўғини қатъий бошқарув функциялари бўлган алоҳидалашган ячейкадан иборат. Бошқарув поғонаси - бошқарувнинг маълум иерархик даражасидаги бошқарув бўғинлари йиғиндисидир.
Бошқарув вазифаларини амалга ошириш тартибини қуйидаги чизмада кўриш мумкин.


1-расм. Бошқарув фаолиятининг функциялари.
Бошқаришнинг асосий функциялари уларнинг ишлаб чиқаришни бошқариш жараёнида ўрни ўта муҳим ва зарур бўлганлиги туфайли янада батафсилроқ кўриб чиқамиз (1-жадвал).