Matematika fani bo‘yicha sinflar kesimida aniqlashtirilgan ta’lim standartlari 5-sinf matematik savodxonlik kompetensiyаsi

KOGNITIV KOMPETENSIYA (SHAXSNING MUSTAQIL IJODIY 
FIKRLASH KOMPETENSIYASI): 
ALGEBRA 
ifodalarda qisqa ko‘paytirish formulalarini aniqlaydi va ularni qo‘llaydi;
matematik tushunchalar, dalillar va algoritmlarni kundalik hamda notanish 
vaziyatlarda qo‘llaydi, yangi bilimlar hosil qiladi;
zarur hollarda sodda hisoblash vositalarini qo‘llaydi;
ma’lum matematik qoidalar va sodda mantiqiy qonunlar asosida xulosa 
keltirib chiqaradi, rost va yolg‘on tasdiqlarni farqlaydi;
mustaqil ravishda masalaning yechimini topish rejasini tuzadi, tuzilgan reja 
asosida ishlaydi; 
o‘qituvchi bilan hamkorlikda o‘quv va amaliy holatlarda maqsadni 
ifodalaydi, matematikani o‘rganish jarayonida dunyoqarashini kengaytiradi;
mustaqil ravishda loyiha ustida ishlaydi va o‘z bilimini rivojlantiradi, 
chiziqli funksiyaning grafigini chizmasdan uning qaysi choraklardan o’tishini 
tasavvur qiladi; chiziqli tenglamalar va bir noma’lumli chiziqli tengsizliklar 
sistemasini yechishning qulay usulini tanlaydi va yechadi;
GEOMETRIYA 
 
atrofdagi jismlardan, ularning qismlaridan geometrik shakllarni ajratib 
ko‘rsatadi va nomlaydi; 
nuqta, to‘g‘ri chiziq, kesma, nur, aylana va doiraga va ularning 
elementlariga misollar keltiradi; 
o‘lchov asboblari yordamida uzunliklarni o‘lchash ishlarini amalga oshiradi 
va bu uzunliklar ustida amallar bajaradi;
darslikda keltirilgan illyustratsiyali amaliy topshiriqlardagiga o‘xshash 
ob’yektlarni tevarak atrofdan topib, ularning geometrik tuzilishi bo‘yicha o‘zining 
fikrini bildiradi;
yo‘llar, ko‘chalar, transport, bino va inshootlardan parallellikka oid 
modellarni topadi;
mavzu materiallaridan foydalanib, sodda amaliy chizmalar chizadi.