Matematik tasavvurlarni shakllantirish nazariyasi va texnologiyalari

Semenar mashg’ulot № 21 
Mavzu: 
Bolalarni matematikaga o’rgatishga MTT, maktab va oila hamkorligida olib 
boriladigan ish shakllari 
Reja: 
 
1. O‘zbekiston Respublikasi ta’lim to‘g‘risidagi Qonun (1997y) nuqtai nazaridan bolalar 
bog‘chasida bolalarni matematikaga tayyorlashda zamonaviy talablar.
2. Maktabgacha ta’lim muasssasi va maktab ishidagi hamkorlikni tashkil qilish shakllari.
3. Shu uslublaridagi hamkorlik.

O‘quv mashg‘ulotining maqsadi: 
Bolalarni matematikaga o‘rgatishda bolalar maktabgacha 
ta’lim muasssasi, maktab va oila hamkorligi to‘g‘risidagi bilimlarni shakllantirish.
 
O‘quv faoliyatining natijasi: 
Talabalarga bolalarni matematikaga o‘rgatishda bolalar 
maktabgacha ta’lim muasssasi, maktab va oila hamkorligi izohlab berildi.
Maktabgacha yoshdagi bolalarga ta’lim tarbiya berishning asosiy vazifalari bolalarni jismoniy, 
aqliy va ma’naviy jihatdan rivojlantirishda, ularning tug‘ma layoqati, qiziqishi, ehtiyoji va 
imkoniyatlarini hisobga olgan holda, milliy va umuminsoniy qadriyatlar asosida muntazam ta’lim 
olishga /maktab bog‘chaga/ tayyorlashdan iborat. Maktabgacha yoshdagi bolalarni rivojlantirish va 
maktabga tayyorlash jarayoni, oldiga qo‘yilgan maqsad va vazifalarining bajarilishi ushbu 
maktabgacha yoshdagi bolalar ta’lim tarbiyasiga qo‘yiladigan davlat talablari, maktabgacha 
yoshdagi bolalarga beriladigan ta’lim-tarbiya mazmunining asosiy yo‘nalishlari hamda ularning 
maktabga tayyorlik darajasiga qo‘yiladigan minimal talablar belgilab berilgan bo‘lib, u davlat hujjati 
sifatida e’tirof etiladi. Davlat talablari ko‘rsatkichlarini belgilashda davlat va jamiyatning ijtimoiy 
buyurtmasi, maktabgacha yoshdagi bolalarning jismonan sog‘lomligi, qobiliyagi, ehtiyoji va 
imkoniyatlari ya’ni bola shaxsining ustuvorligidan kelib chiqildi.

---