Matematik kecha

MATEMATIK KECHA

Xonaga zarur bo`lgan ko`rsatmali qurollar qo`yiladi. 1dan 10 gacha bo`lgan sonlar

yozilib, qatnashuvchi bolalarning ko’ksiga osib qo`yiladi. Undan tashqari o`nlik, birlik, toq son, juft son degan yozuvlar ham bo`ladi. Quvnoq kuy yangraydi. Sahnaga boshlovchi chiqadi:

Boshqaruvchi: -Assalomu alaykum, aziz o`qituvchilar,

Bilimdon-u, zukko o’quvchilar!

Bugun biz o’tkazamiz Matematik kecha

Keling birga bo’lingiz, zerikmaysiz hecham!

1-o’quvchi: Matematika darsi

Darslarning eng sarasi..

O’rgatadi bizlarga

Qo’shishni, ayirishni,

Ko’paytirish, bo’lishni.

2-o’quvchi: - Bizning quvnoq davraga

Xush kelibsiz, marhobo.

Matematika bilan

Hamroh bo`ling doimo.

3-o’quvchi: -Matematika kerak

Har bir o`g`il va qizga.

Aqlini va fikrini

Soladi yaxshi izga.

4-o’quvchi: -Bu fan bizning do’stimiz,

Mo`’jizalar makoni.

Inoq bo`lib o`ssa kim

Ortar ilmi, imkoni.

5-o’quvchi: -Elda bor shunday naql

«Hisob-kitob qayrog`i»

Tinglab sonlar tavsifin

Bo`lingiz chin o`rtog`i.

Nol: -Juda puch ham emasman,

O`ylagandek ba`zilar.

O`tsam sonlar ortiga,

Kuchim yaqqol sezilar.

Bir: -Noldan keyin turaman

Chizg`ichingga qarab boq

Tartib sonlar ichida

Birinchiman ey, o`rtoq.

Ikki: -Qomatimni ko`ringlar

Qiyos etar oqqushga

Mendan dir-dir titraydi

Ixloosi yo`q o`qishga .

Uch: -Bilimingni bahlab,

Noiloj qoniqaman,

Qachon o`tar «to`rt»ga deb,

Ko`z tutib toliqaman.

To`rt: -To`nkarilgan stulga

O`xlab ketar, bo`y-bastim.

Otim «yaxshi» to`rtta harf

Besh mening yaqin do`stim.

Besh: -Rassom chizar o`xshatib

Yuk ko`targich ilmoqqa.

Men muallim msovg`asi

Bilimdon har o`rtoqqa.

Olti: -Koptok misol qornimni

Soyabon olaman.

Bir, ikki, uch, o`zimga

Teng bo`lina qolaman.

Yetti: -Boshga to`tib soyabon,

Belbog`cha bog`laganman.

Hisob-kitobga do`stlar,

O`zimni chog`laganman

Sakkiz: -Ipak qurt pillasidan

Qo`sh xaiqaman mustahkam

O`zgarmas qiymat, shaklim

O`ng-ters bo`lib tursam ham.

To`qqiz: -Shaklim o`xshar vergulga,

Oltiga qarindoshman.

Bir xonali sonlarga

Shu yoshdan karvonboshman.

O`n: -Qo`shni bo`lib ko`paydik,

O`n hissaga bir va nol.

Hisoblaymiz sanaymiz

Berib doim qo`lga-qo`l.

Boshqaruvchi: Mana sonlar bilan tanishib , do`stlashib ham oldik.

Endi raqamlarning sehrli olamiga sayohat qilamiz.

Bolajonlar boshlaylik

Yalla-navo nazmini

Savol-javob qismi-yu

Topog`onlar bazmini

Savol:-O`n tup daraxt bor edi

Qo`shni bog`da

Sakkistasin kisdilar

Kuzzak chog`da

Chorbog`da yana qoldi

Qancha daraxt?

To`g`ri javob topolmay

Boshim karaxt

Javob :

-O`n tup daraxt bor bo`lsa

Qo`shni bog`da

Sakkistasin kissalar

Kuzak chog`da

Chorbog`da qoldi yana

Ikki daraxt

Savol:-Bir qovunni o`n bo`lakka

Tappa-teng tilib qo`ydim

Endi mening savlimga

Quloq tut bilib qo`ygin.

Bir-biridan totli

Dimog`ingni yoradi

Bir tilimni senga bersam

Menga qancha qoladi?
Javob :

-Agar bitta bo`lakni,

Menga bersang quqisdan.

Ochko`zlaging tufayli

Senda qoladi to`qqizta
Savol:

-U shoxdadir yetti qush

Bu shoxdadir ikki qush

Uchib ketsa beshtasi

Shoxda qolar nechtasi?
Javob :

-U shoxdagi yetti qush

Bu shoxdagi ikki qush

Shoxda jami to`qqizta qush

Uchib ketsa beshtasi

Shoxda qolar to`rttasi

Savol:

-Oyim berdi besh olma

O`zimda ham uchta bor

Sanab bilsang ayta qol

Menda nechta olma bor?
Javob :-Besh olma-yu uch olma

Bular sakkista olma

Boshlovchi:-Bildingizmi birin-ketin,Hammangizga ofarin!

Qani aytingchisizlar

Sonlar haqida maqol.

1:-Sanamay, sakkiz dema.

2:-Biriniki mingta,mingniki tumanga

3:-Yetti o`ylab, bir kes

4:-Yer haydasang, kuz hayda.

Kuz haydamasang ,yuz hayda.

5:-Bir orzu-o`n orzu bo`lolmaydi.

6:-Bir yil tut ekkan kishi

Yuz yil gavhar teradi.

7:-Bir yigitga qirq hunar oz.

8:-Bir tup tol keksang,bir tup tol ek.

9:-Bir kishi ariq qazar, ming kishi suv ichar.

Boshlovchi:-Bildingizmi birin-ketin,Hammangizga ofarin!

Qani aytingchisizlar

Boshlovchi:-Balli zukko bolalar, endi sizlarga topishmoqlar aytaman.Sizlar esa, uning javobini topasiz.

Bo`ylari teng to`rt o`rtoq

To`rtoviga bir qalpoq.

1.-Stol.

Boshlovchi: -Ikki ona , har biriga besh bola

Hammasining oti bir ,bular nima?

1.-Qo`l barmoqlari

-Yo`lini yoritar ikki chiroqcha

Chiroqcha ustida pilak qalamcha

Bular nima?

1.- Ko`zlar,qosh

Mehnat qilib tolmaydi

Sira orom olmaydi.

Bu nima?

1.-Soat

Boshlovchi: -Balli bilimdon do`stlarim,

Navbat yana savol-javobga.

Savol -To`rt harfdan iborat sonlar qaysilar?

Javob-Ikki,to`rt,olti, qirq.

Savol –Ikki harfdan tuzilgan sonlar qaysilar?

Javob-Uch, o`n.

Savol –Qayin daraxtida 8ta shox bor.Har bir shoxida 8tadan olma bo`lsa, hammasi bo`lib nechta olma bor?

Javob-Qayin daraxtida olma bo`lmaydi.

Savol –Yetti aka-ukaning bittadan singlisi bor.Ularning hammasi nechta?

Javob-8ta.

Savol –Bitta tuxumni qaynatilgan suvda pishirish uchun 4 minut vaqt kerak.Oltita tuxumni pishirish uchun necha minut kerak?

Javob-4 minut.

Savol –«Kes» so`zi o`rniga qaysi sonni qo`llash mumkin?

Javob-40.

Savol –Bir oyoq da turgan xo`roz 2kg keladi.Ikki oyoqda turgan xo`roz nech kg keladi?

Javob-2kg.

Boshlovchi: Ofarin og’il -qizlar

Dono, zukko o’quvchilar.

Qani kimlar chaqqondir

Hisoblashga tayyordir.

Hisoblangchi:

Kelishardi izlab buloq

Bir echki-yu ikki uloq.

Ularda bor necha quloq,

Qancha oyoq hamda tuyoq. (6ta quloq, 12ta oyoq, 24ta tuyoq)
3 oq tovuq don cho’qir,

Suv ichadi qorasi

Necha tovuq bo’ladi

Qo’shilganda olasi (5ta tovuq)

O’ynar uchta qiz bola

Go’yo ochilgan lola

Do’stlari keldi beshta

Ayt, ular bo’ldi nechta(8ta)

Boshlovchi:

Rahmat sizga bolajonlar

Bog’lardagi gul-rayhonlar.

Topag’on qaqajonlar

Topshiriqni topinglar.

1.9gacha bo’lgan raqamlarni shunday ikkitadan yozingki, ularning yig’indisidan nuqul 9hosil bo’lsin

2.Qaysi sonni o’z-o’ziga ko’paytmasi 9bo’ladi?

3. Qaysi songa 9ni qo’shsa, yig’indi 9 bo’ladi.

4.Qaysi sondan 19ni ayirib, 9ga bo’lsa 9 chiqadi?
Boshlovchi:

Ofarin deyman sizga

To’gri javob topganlar

Besh bahoni oldingiz

Dono javob berganlar
Hamma:-Gaplarimiz yolg`onmas,

Beshni olish osonmas.

Umid uzmay o`yladik.

Chiqmaganga qo`ymadik.

Boshlovchi:

Hurmatli o’quvchilar mana matematika fanidan ko’p narsa o’rgandik, hisob- kitobni bildik. Qancha o’rgansak kam, ammo vaqtimiz tugadi. O’qib o’rganishdan hech qachon charchamang. Matematik kechamizga yakun yasaymiz.

To'rt amal haqida ertak

Dars o'tilar o'rmonda,

Qatnashmagan armonda.

Chinor osti pakkadir,

Muallimi Hakkadir.

Arifmetik to'rt araal,

O'rgatilar galma-gal.

Ayirish amali

Yong'oqqa o'ch olmaxon

Hadeb boshin qashiydi.

Uchdan to'qqiz olingach,

Uyga nima tashiydi?

Ko'rsatmaydi qarqunoq

Kundalikning qorasin

Nol ortiga besh qo'yib,

Topdi oxir chorasin.

Qo'shish amali

Doskadagi yozuvlarni

Dumida artib.

O'rganmoqda amallami

Mushuk batartib.

Qo'shib bergach, sanoq son

Boradi ortib.

To'g'ri topsa, o'nta sichqon

O'ziga tortiq.

Ko'paytirish amali

Quyon hisob bobida

Eng oldingi marrada.

Vazifani zumda ishlar

Oddiy usul karrada.

Tulki atay Quyondan

So'rab qoldi qo'qqisdan:

- Uch joyda uchta sabzi?

- Bu juda jo'n - to'qqizta.

- Olti karra olti-chi,

O'yla, qancha bo'ladi?

- O'ttiz olti karamga

Oltita qop to'ladi.

Bo'lish amali

Qizilishton nazdida,

Bo'lish og'ir ko'rinar.

Aramo sakkiz ikkiga

Judaoson bo'linar.

Tumshug'ida hisoblab,

Ter to'kar ancha-muncha.

Noldan nolni ayirsa,

Qoladi teshik kulcha.