Matematik formula: Hayotimizni o‘zgartirish avvalo o‘z qo‘limizda

Buni qanday qilamiz?

Butun Respublika bo’yicha xususiy ta’limda repititorlik qilayotgan ustozlarni bir missiya atrofida birlashtiramiz!

Missiyamiz: Biz maktabdagi o’qituvchilarni, kerak bo’lsa, xuddi abituriyentlardek tayyorlab, o’z sohasi bo’yicha professional ustozlar darajasiga olib chiqamiz!

Ta'limda kam vaqt sarflab yuqori natija olish juda muhim.

Bu o’rgatish usul va uslublariga bog’liq. Buni qisqa qilib, ustozlar, metodika deyishadi. Qanchalik tez va oson tushunib olinadigan usulda bilim berilsa, shunchalik ma’lumot yaxshi o’zlashtiriladi. Bunda berilayotgan bilim qanday shaklda (matn, rasm, video yoki boshqa) va kim tamonidan berilayotganligi juda muhim.

Bu yerda uchta asosiy tushuncha farqlanadi.

📌Ta’lim beruvchi (ustoz)

📌Ta’lim materiallari (o’quv adabiyotlari)

📌Ta’limni yetkazish usul va uslublari (metodika)

Bu uchlikni aniq bir fanni o’zlashtirishga qaratilgan Ta’lim loyihasi (proyekti) birlashtirib turadi.

Masalan:

- Matematika fanini o’zlashtirishning tez va oson yo’lini topish mumkinmi?

- Mumkin.

Buning uchun matematikani o'zlashtirishga oid turli loyihalari ishab chiqiladi va amalda sinab ko’riladi. Tajribali ustozlardan jamoa tuziladi. Ular tayyorlangan xomaki loyiha asosida o'quvchilarni o'qitishni boshlaydi. Eng so’ngida tahlillar natijasida shunday loyiha tayyor bo’ladi.

Ko’pchilik ustozlar matematikani o’rgatish uchun har qanday holatda ham ko’p vaqt kerak bo’ladi, deb hisoblashadi. Bizningcha, buning yechimi bor. Bu yechim matematikani o’qitish bo’yicha ta’lim loyihasida ko’rsatilgan. Bu mavzuga yana qaytamiz…

Bunday loyihalarni har qanday fanni yoki tilni o'qitishda qo'llash mumkin.