Матбабаев М. М. “Электр техникаси, электр механикаси ва электр технолгиялари” кафедраси

19 – Маъруза. Индукцион тигель печлари (Пўлат ўзаксиз индукцион печлар)
Режа:
1. Индукцион тигель печининг тузилиши, ишлаш принципи.
2. Тигель ва каналли печларни таққослаш.


Таянч иборалар: Индуктор, тигель, ташқи магнит ўтказгич, частотасига кўра ИТПлар, тигелнинг фойдали сиғими, ИТПнинг ўлчамлари, истеъмол қуввати, реактив қувват, статик конденсатор батареяси.


Индукцион тигель печлари ток частотасига қараб 3та турга бўлинади:
1.Саноат частотасида ишловчи печлар (50Гц).
2.Баланд частоталарда ишловчи печлар (15010000 Гц)
3.Юқори частоталарди ишловчи печлар (50500 кГц)


Конструктив жиҳатдан печлар қуйидагиларга бўлинади:
-очиқ - металл ва қотишмаларни ҳаво атмосферасида эритиш учун;
-герметик ёпиқ – металл ва қотишмаларни вакуумда ёки нейтраль газда эритиш учун;

Тигель печлари сифатли пўлат ва чўянларни эритиш учун қўлланилади. Кейинги пайтларда бу печлар рангли металларни эритиш учун хам ишлатилмоқда.

Тигель печларининг афзалликлари :
1.Юқори ҳароратларга осон эришиш.
2.Электродлар билан туташишнинг йўқлиги.
3.Эриган металл интенсив аралашади.
4.Оксидланиш жуда оз миқдорда ва қуйиш жуда кам.
5.Эритиш процессини вакуумда ва нейтраль муҳитда амалга ошириш имконияти бор.
6.Футеровка қизиб кетиш холи йўқ.
7.Даврий режимда ишлаш имкони бор.
8.Оловбардош тигель конструкцияси канал печлардагига қараганда анча содда.


Тигель печларининг камчиликлари :
1.Шлаклар ҳарорати нисбатан паст.
2.Эриган металл сиртининг шишиб кўтарилиши (мениск).
3.Юқори ва ўрта частота таъминлаш манбалари зарур.

Умумий холда ИТПлар қуйидаги кўринишга эга:

8.1.-расм Тигель печи.

1-индуктор.

2-қиздириладиган металл.
3-юқори ҳароратларга бардошли тигель.
4-ташқи магнит ўтказгич (баъзи ўрта частотали печлар ва катта сиғимли саноат частотали печларда печь қопқоғини экранлаштириш, электр энергияси сарфини камайтириш учун ишлатилади).

Печнинг ишлаш принципи тигелда жойлаштирилган юкланма материали томонидан электромагнит энергияни сингдиришга асосланган.

Металлнинг эриши ўзгарувчан ток манбасига уланган индуктор томонидан ҳосил қилинган магнит майдони электромагнит индукция қонунига асосан пайдо бўладиган токнинг оқиши орқали юзага келади.
Энергиянинг ажралиб чиқиши токнинг частотаси, тигель диаметри ва индуктор диаметрлари геометрик нисбатлари, шахта материалининг ўлчамлари электрофизик хоссаларига боғлиқ бўлади.

Минимал частота тигель диаметри (d₀, м) га боғлиқ равишда, кайнок металл солиштирма электр қаршилиги _гор ни ҳисобга олган холда қуйидагича аниқланади.

Тенгламадан кўринадики, (23т)-катта сиғим печларидаги тигелнинг катта ўлчамлари учун қуйи частота зарур бўлади, ўрта ва юқори частоталар эса кичик сиғимли печлар учун зарур бўлади.
Индукцион тигель печлар (ИТП лар) пўлат ўзаксиз индукцион печлар бўлиб, уларнинг асосий хусусиятлари ушбу печларда қиздирилаётган электр ўтказувчи жисмлар ўзгарувчан электромагнит майдон ҳосил қилаётган индуктор билан биргаликда иккита ўзаро индуктив боғланган токли контурни ташкил қилади.


5 - расм

5 - расмда ИТП нинг схемаси келтирилган. ИТП таркибида ўзгарувчан ток манбасига уланувчи индуктор-1; эритилаётган металл- 2 ва юқори ҳароратларга бардош берувчи тигель-3 кўрсатилган.

Р а с м д а г и белгиланишлар:

Н_u - индуктор баландлиги; Д_u - индуктор диаметри; d_u - индукторнинг кесим юзаси бўйича диаметри ; d_м - тигель диаметри; h_m- тигель баландлиги: