Mas’ul muharrir : filologiya fanlari doktori, prof. O. Safarov

Fanning boshqa fanlar bilan aloqasi sifatida shuni aytish mumkinki, «Chet el bolalar adabiyoti» fani, avvalo, jahon bolalar adabiyoti, rus va qardosh xalqlar bolalar adabiyoti, qolaversa, «O’zbеk bolalar adabiyoti va folklor» «O’zbеk adabiyoti», «Adabiyot nazariyasi», «Hozirgi adabiy jarayon», «Pеdagogika» fanlari bilan bog’liq holda o’rganiladi.
Fanning o’qitilishida qo’llanadigan vositalar, qurollar, mеtod va tеxnologiyalar. Talabalarning chet el bolalar adabiyotining o’ziga xos badiiy, ta'limiy-tarbiyaviy xususiyatlarini o’zlashtirishlari uchun o’qitishning ilg’or va zamonaviy usullaridan foydalanish, bunda axborot va pedagogok texnologiya imkoniyatlariga e’tibor qaratish ko’zda tutilgan. Ma’ruza, seminar va amaliy mashg’ulotlar turli o’quv ko’rgazma qurollari va texnik vositalar bilan jihozlanishi, shuningdek, fanni o’qitishda darslik, o’quv va uslubiy qo’llanmalar, ma’ruza matnlari, tarqatma materiallar, internet saytlaridagi muhim ma’lumotlardan foydalanish maqsadga muvofiq. Bundan tashqari, fan materiallari asosida testlar tuzib, talabalar bilimini sinovdan o’tkazish; mavzuga oid diafilm, videolenta, audiokassetalardan foydalanish maqsadga muvofiq. Xususan, laboratoriya mashg’ulotlarini jahon bolalar adabiyoti namunalari asosida ishlangan badiiy filmlar diski (masalan, J. Rovling romani asosida ishlangan olti qismdan iborat “ Garri Potter” ) asosida o’tish samarali natija beradi.