Масъул муҳаррир

Kalit so‘zlar: metod, kreativ fikrlash, didaktik o‘yinlar, estetik idrok, bilim ko‘nikmalari
Boshlang‘ich sinf o‘quvchilarida kreativ fikrlashni shakllantiriishda:
•
har – bir darsda mustaqil fikrlashga o‘rgatadigan didaktik o‘yinlar, mashqlar va 
topshiriqlardan izchil foydalanilsa; 
•
ta’lim jarayonida mustaqil ishlarni muntazam o‘tkazib borilsa;
•
bilimlarni o‘zlashtirish jarayonida o‘qituvchi tomonidan muammoli vaziyatlar yaratilsa ,
•
mazkur muammolarni o‘quvchilarni o‘zlari hal etishlari uchun imkon berilsa , 
muovaffaqiyatga erishish mumkin. Dars jarayonida kreativ muhitni hosil qilish lozim. Bunda 
kreativ metodlardan foydalanish mumkin .
Bugungi kunda ta’lim tizimini interfaol metodlarsiz tasavvur qilib bo‘lmaydi. Dars jarayonida 
interfaol metodlar o‘quvchilarni yosh xususiyatini inobatga olgan holda dars jarayoni olib 
boriladi. Boshlang‘ich sinflarda interfaol metodlardan kuzatish metodi ancha ijobiy samara beradi. 
Rasmlarni ko‘zdan kechirish bolalar ta’lim tarbiyasida ular bilan rasmlarni ko‘zdan kechirish, 
diapozitiv, diafilmlar va kinofilmlarni ko‘rish alohida ahamiyatga ega bo‘ladi. Bunday hol 
boshlang‘ich maktab yoshidagi bolalar bilan olib boriladigan ta’limiy ishlar mazmuni, shuningdek, 
ular bilish faoliyatining asosiy shakllar bilan belgilanadi. Ta’lim tarbiya jarayonida rasmlarni 
ko‘rib chiqish metodi: xilma-xil didaktik, o‘quv vazifalarni hal etish uchun, buyumlar va atrof-
muhitdagi hayot hodisalari haqidagi tasavvurlarini aniqlashtirish va boyitish uchun, bilimlarini 
umumlashtirish va sistemalashtirish uchun, lug‘at boyligini faollashtirish va bog‘lanishli nutqini 
rivojlantirish uchun, estetik idrokni shakklantirish, estetik taassurot va his-tuyg‘ularni boyitish 
uchun foydalaniladi. Ilk maktab yoshi tarbiya amaliyotida rasmlar asosida suhbat o‘tkazish, 
hikoya tuzish, ijodiy hikoya, rasmlarga nom o‘ylab topish kabi ish turlari tashkil etiladi.
Boshlang‘ich sinf darslarida didaktik o‘yinlar va rivojlantiruvchi mashg‘ulotlarning har bir 
zamonda ta’lim jarayonida o‘zining tutgan o‘rni juda ham katta ahamiyatga ega. Bugungi rivojlanib 
borayotgan ta’lim tizimida didaktik o‘yinlarni qo‘llashda boshlang‘ich sinf o‘quvchilarining 
fazoviy tasavvurini oshirish darsdagi samaradorlikka erishish uchun keng imkoniyat yaratib 
beradi. Didaktik o‘yinlar va rivojlantiruvchi mashg‘ulotlar o‘quvchilarning shu fanga bo‘lgan 
qiziqishlarini va salohiyatlarini rivojlantiradi. Bu o‘yinlardan bir nechtasini ko‘rib chiqsak va 
uni o‘quvchi yoshlarga qanday ahamyatli ekanligini o‘rgansak:
”Aqliy hujum” – bu metod o‘quvchilarni mavzu xususida keng fikr yuritish, o‘z tasavvurlari 
g‘oyalaridan foydalanishga doir ko‘nikma, malakalarni hosil qiladi. Bu metod orqali darsda 
yaratilgan muammo yuzasidan bir necha o‘ziga xos yechimlarni topish imkoniyati tug‘iladi.