Масъул муҳаррир

10
TO‘GARAK – QO‘SHIMCHA IMKONIYAT !
Nazarov Abdullajon Xasanbayevich
Namangan viloyati, Uchqo‘rg‘on tumani 
7- umumiy o‘rta ta’lim maktabi ona tili va adabiyoti fani o‘qituvchisi.
[phone]
Annotatsiya. Ushbu maqolada yoritilayotgan to‘garak faoliyati umumiy o‘rta ta’lim 
maktablarining yuqori sinf o‘quvchilari uchun mo‘ljallangan bo‘lib, asosan ona tili fani bo‘yicha 
tashkil etiladigan to‘garak mashg‘ulotlarining unumlilik darajasini ko‘rsatib borishdagi jarayonlar 
bo‘yicha tavsiyalar berishni maqsad qiladi.
Kalit so‘zlar: to‘garak, to‘garak mashg‘uloti, mashg‘ulot mohiyati, ish reja.
To‘garak faoliyatini va uning asl maqsadi tushunchasini quyidagi ketma ketlik asosida 
yoritishga xarakat qilamiz.
TO‘GARAK MASHG‘ULOTINING MOHIYATI.
Maktabdagi ta’lim tarbiya jarayonining unumdorligi - u reja asosida o‘tiladigan darsmi, yoki 
to‘garak mashg‘ulotimi, albatta o‘quvchi bilimini qay darajada oshayotganligi bilan belgilanadi. 
Sir emaski, dars davomida o‘quvchilarning barchasi ham fan bo‘yicha o‘tilgan mavzuni to‘liq 
o‘zlashtira olmaydilar. Bunga ularning qobilyat darajasi yoki mavzuning murakkabligi sabab 
bo‘lishi mumkin. Demak, o‘quvchi faoliyatida bo‘shliq paydo bo‘lmoqda va u kengayib boradi. 
Aksariyat hollarda o‘quvchilar ana shu bo‘shliqni to‘ldirish maqsadida repetitorga murojaat 
qiladilar. Ammo repetitorga pul to‘lash imkoni hammada ham mavjud emas. Xo‘sh, unda 
repetitorga borish imkoni bo‘lmagan o‘quvchilar bo‘shliqni qanday aniqlashi va to‘ldirishi 
mumkin? 
Bu savolga faoliyati to‘g‘ri tashkil etilgan va aniq maqsad sari yo‘naltirilgan fan to‘garagi 
mashg‘uotlari javob berishi mumkin.
TO‘GARAK- QO‘SHIMCHA IMKONIYAT
Fikrlarimizni maktbimmizda ona tili fani bo‘yicha faoliyat ko‘rsatayotgan “Tariximsan, 
taqdirimsan ona tilim “ nomli to‘garak faoliyati misolida davom ettiraylik.