Mashqlar. Darsning maqsadi: a ta’limiy maqsad

Mavzu: Gap haqidagi bilimlarni umumlashtirish. 253-254-mashqlar.
Darsning maqsadi:
a) ta’limiy maqsad: o'quvchilarning gap haqidagi bilimlarini mustahkamlash. Ikkinchi darajali bo'laklarni so'roq yordamida aniqlashni o'rgatish. O'quvchilarning gapda so'zlarni bog’lovchi vositalar haqidagi bilimlarini aniqlash. So'z o'zgartuvchi qo'shimchalar bajaradigan vazifani misollar yordamida tushuntirish. Darslikdagi mashq matnlari orqali ularni mantiqiy fikrlashga o'rgatish. Lug'at diktant yordamida savodxonligini oshirish;
b) tarbiyaviy maqsad: o'quvchilarga o'z Vatani—O'zbekiston tabiatining o'ziga xos tomonlari, ulardan zavq olish uchun asrab-avaylash lozimligi uqtiriladi.
d) rivojlantiruvchi maqsad: gapning birinchi so‘zi bosh harf bilan
yozilishini o‘rgatish, o‘quvchilarning chiroyli va savodli yozishlarini nazorat
qilish.
Ijtimoiy faol fuqarolik kompetensiyasi:
davlat ramzlarini bilish;
sinfda va oilasida o‘z o‘rniga ega bo‘lish;
o‘zidan kattalarga, o‘rtoqlariga va o‘zidan kichiklarga yordam berish.
Darsning turi: umumlashtiruvchi dars.
Darsning metodi: analitik-sintetik tovush metodi.
Darsning jihozi: ferma tasvirlangan rasm, jadvallar.
Darsning borishi:
O'quvchilarning darsga tayyorlanishini nazorat qilish.
O’quvchilar bilan salomlashish,davomatni aniqlash.
Dars shiori: Biz yozamiz yozsak xat
Chunki bu ham zo’r san’at
Burchimiz: A’lo o’qish , a’lo xulq.
Dars o’tishdan maqsad:
O’quvchilar: Vatanga xizmat !
Insoniylik burchim mening
O’qib ilm olmoqdir
Ota-onam elimga
Sodiq farzand bo’lmoqdir
Biz kimmiz:
Bolalar-Barkamol avlod.
Sabog’imiz: Sen onam tilisan,otam tilisan,
Sen bobom tilisan,asrlar oshgan
Oh ona tilginam,muqaddas tilim
Bunchalar shirinsan,bunchalar so’lim.
Barakalla aziz o’quvchilar sizlarga sog’lik-salomatlik tilagan holda bugungi darsimizni boshlaymiz.
Uyga berilgan 252- mashq qanday bajarilganini aniqlash.
Har bir qatorda berilgan so’zlardan gap tuzing:
dalalarni, g’o’zapoyadan, tozaladilar, dehqonlar.
haydadi, yerni, traktorda, traktorchi.
qizg’in, borayotir, ishlar, dalalarda.

1. 
   Dehqonlar yerni g’o’zapoyadan tozaladilar.
   
2. 
   Traktorchi yerni traktorda haydadi.
   
3. 
   Dalalarda ishlar qizg’in borayotir.
   

O'quvchilar yozgan gaplarining ichida ma'nosini tushunmagan, yozishda qiynalgan so'zlar aniqlanadi va o'qituvchi tomonidan tushuntiriladi.