Mashinasozlik

Ekologik o`qitish va xodimlarning malakasini oshirish. 

Avtotransport  korxonasi  darajasida  boshqariladigan  va  zararli  chiqindilarni 

miqdorini  belgilovchi,  yuqorida  ko`rib  chiqilgan,  barcha  omillar  qonunchilikka, 

me`yorlarga,  bilimga  va  tajribaga  asoslangan  xolda  raxbarlar,  muhandis-texnik 

hodimlar,  haydovchilar  va  ishchilar  tomonidan  harakatga  keltiriladi  va  tabiatni 

asrash  bo`yicha  kerakli  tadbirlarni  tashkil  etish  va  bajarish  ta`minlanadi.  Lekin 

ko`pgina  ATK  da  xodimlarning  ekologik  bilimlari  va  malakasi  yetarli  emas. 

Undan  tashqari  ohirgi  yillarda  ATK  ni  maydalashishi  va  xususiylashtirilishi 

natijasida xolat yanada yomonlashdi. Shuning uchun kasb-texnika, o`rta maxsus va 

oliy ta`lim tizimida xodimlarning ekologik tayyorgarlik darajasini ko`tarish lozim, 

ATK larda esa, barcha toifadagi xizmatchilarni aniq maqsadga yo`naltirilgan qayta 

tayyorlashdan o`tkazish zarur. Jumladan, avtomobillarni boshqarishning eng ilg`or 

usullarini  qo`llash  yonilg`ini  20%  gacha  tejash  va  zararli  moddalarning 

atmosferaga  chiqishini  20-25%  ga  kamaytirish  imkonini  yaratadi.  Shuning  uchun 

ATK  da  haydovchilarni  maxsus  tayyorlash  va  malakasini  oshirish  zarur. 

Diagnostika  postlari  ustalari  va  dvigatel,  yonilg`i  apparatlari  va  elektr  jixozlariga 

TX  ko`rsatish  va  ta`mirlash  ustaxonalarining  ishchilarini  ham  maxsus  dastur 

---

42 

 

bo`yicha  o`qitish  lozim.  Chunki  TX  va  ta`mir  sifati,  XT  ning  ishlash  qobiliyatini 

tiklanishi  va  avtomobillarning  texnik  xolatini  talab  darajasida  bo`lishi  birinchi 

navbatda, ularning kasbiy mahoratiga bag`liq. Gaz ballonli avtomobillarga xizmat 

ko`rsatuvchi haydovchilar va tuzatuvchi ishchilarni ham qayta tayyorlash zarur. 

ATK  rahbarlari  va  muhandis-texnik  xodimlarni  oliy  ta`lim  va  o`rta  o`quv 

yurtlari qoshidagi ekologik kurslarda o`qitish, umumiy kasb xodimlarini esa, soha 

o`quv  kabinetlarida  va  korxonaning  o`zida  o`qitish  lozim.  ATK  ning  har  xil 

toifadagi  mutaxassislarining  malakasini  oshirishning  na`munaviy  o`quv  dasturlari 

RF  transport  Vazirligi,  NIIAT,  MADI  va  boshqa  tashkilotlar  tomonidan  ishlab 

chiqilgan. 

 Ko`rsatilgan  mutaxassislarning  guruhlarini  o`qitishni  tashkil  etish  va  uni 

muntazam o`tkazish tabiatni asrashning ko`pgina zaruriy chora-tadbirlarini amalga 

oshirishni  ancha  yengillatadi,  ularning  samaradorligini  oshiradi  va  bu  bilan  AT 

ning ekologik havfsizligini oshirish ta`minlanadi.