Mashinasozlik tехnologiyasi

YASSI  YUZALARGA  RANDALAB  ISHLOV  BERISH  USULI, 
KESUVCHI  ASBOBLARI  VA  DASTGOHLARI.  Detallar  ko‗ndalang-
randalash  va  bo‗ylama-randalash  dastgohlarida  randalanadi.  Randalash  usuli 
tekisliklarga,  har  xil  plitalar,  staninalar,  T  shakldagi  pazlar  va  boshqalarga 
ishlov berishda qo‗llaniladi. 
O‗yish  dastgohlaridan  tekis  va  shakldor  yuzalar,  ariqchalar,  shkivlarning 
gupchaklariga shponka ariqchalari o‗yishda va boshqalarda foydalaniladi. 
Randalashda  ishlov  beriladigan  metallga,  kesish  maromiga  va  kesuvchi 
asbobning  parametrlariga  qarab  qirindi  hosil  bo‗ladi.  Randalash  jarayonining 
o‗ziga  xos  xususiyatlari  bor.  Zagotovkaning  ishlov  berilayotgan  yuzasidan 
qirindi  faqat  ish  yurishi  (stolning,  polzunning  yoki  dolbyakning  ish  yurishi) 
vaqtidagina  kesib  olinadi,  chunki  randalash  vaqtida  zagotovka  ham,  kesuvchi 
asbob  ham  kesish  jarayonida  to‗g‗ri  chiziqli  harakat  qiladi,  teskari,  ya‘ni  salt 
yurishda  esa  kesish  jarayoni  sodir  bo‗lmaydi.  Randalash  jarayonining  bunday 
o‗ziga xos xususiyati tufayli kesish burchagi o‗zgarmaydi va surish qiymatiga, 
zagotovkaning  o‗lchamlariga  va  keskichning  zagotovkaga  nisbatan  qanday 
joylashganligiga bog‗liq bo‗lmaydi. Salt yurish vaqtida keskich soviydi, bu esa 
kesish jarayonida sovituvchi suyuqlik ishlatmaslikka imkon beradi, randalash va 
o‗yish  dastgohlarida  ishning  uzlukli  bo‗lishi  keskichlarda  o‗simta  hosil 

---

bo‗lishiga barham beradi. Randalash keskichiga ish vaqtida zarblar taosir etadi 
va  bu  zarblar  har  bir  yangi  ish  yurishida  takrorlanadi.  Kesik  ko‗ndalang 
qismining,  kesish  tezligining  va  randalanadigan  material  qattiqligining  ortib 
borishi bilan zarb kuchining miqdori ham ortib boradi. Bularning hammasi katta 
keskichlardan  foydalanib,  mo`tadil  kesish  tezliklari  bilan  ishlashga  majbur 
etadi. 
Keyingi  vaqtlarda  yuzalarni  uzil–kesil  tozalab  ishlashda  jilvirlash  va 
shaberlash  o‗rniga  juda  yupqa  (nozik)  randalash  usulidan  foydalanilmoqda. 
Tozalab  yupqa  randalashning  mohiyati  shundan  iboratki,  bunda  maxsus  keng 
keskichdan foydalanib, zagotovka yuzasidan qalinligi 0,1 mm dan kam bo‗lgan 
yupqa  qatlam  tarzidagi  qirindi  kesib  olinadi,  bu  bilan  yuzaning  Ra  2,5-1,25 
mkm tozaligiga erishiladi. Agar tozalab randalashda kesish chuqurligi 0,05-0,08 
mm  ga  etkazilsa  va  moylash-sovitish  suyuqligidan  foydalanilsa,  yuzaning 
tozaligi (g‗adir-budurligi) Ra 0,32 mkm bo‗lishi mumkin. 
Tokarlik  keskichlari  kesuvchi  qismining  shakli  qanday  bo‗lsa, randalash 
keskichlari kesuvchi qismining shakli ham xuddi shunday. 3.1-rasmda randalash 
keskichlarining  asosiy  turlari  tasvirlangan.  Randalash  keskichlari  vazifasiga 
ko‗ra,  o‗tuvchi  keskichlarga  (3.1-rasm,  a  va  б),  tozalab  randalash  keskichlari 
(3.1-rasm, v), kesib tushirish keskichlari (3.1-rasm, г) ariqcha ochish keskichlari 
(3.1-rasm, e) va yonaki keskichlarga (3.1-rasm, ж) bo‗linadi.