«Машинасозлик технологияси асослари»

7.2. Механик ишлов бериш режаси. 
Машина деталлари юзаларига механик ишлов бериш 
режаси 
уларни тайёрлашнинг энг маoқул вариантини тузишдан 
иборат. Режа механик ишлов беришни хар-бир қисмини ўзида 
мужассамлаштириши зарур: амаллар кетма-кетлиги, уларнинг таркиби 
ва бажариш тартиби. 
Механик ишлов бериш режасини тузишда қуйидагиларга 
эoтибор бериш зарур: 
1)
биринчи навбатда Деталнинг шундай юзаларига ишлов 
бериш керакки қайсики улар бошқа амалларда ўрнатиш базаси бўлиб 
хизмат қилади; 
2)
кейинги навбатда энг катта металл қатлами олиб 
ташланишини зарур бўлган қатламли юзаларга ишлов берилади, 
чунки шу холда хомашёдаги мавжуд ички нуқсонлар аниқланади; 
3)
механик ишлов беришнинг мураккаблиги ёки 
материални хусусиятига боғлиқ равишда нуқсон кутилаётган 
операцилар бажарилади; 
4)
кейинчалик бажариладиган амаллар талаб этилаётган 
аниқлик ва юза тозалигига боғлиқ равишда олиб борилади. 
Шу нуқтаи назардан, юза қанча аниқ ва тоза бўлса шунча кеч 
ишлов берилади. Агарда тозалиги юқори юзага аввал ишлов бериб 
олинса ва бу юза кейинчалик ўрнатиш ёки махкамлаш юзаси бўлса у 
холда юзанинг аниқлиги ва сифати бузилади. 

---

50 
5)
энг юқори аниқлик ва юза тозалигига эга бўлган 
юзаларга ишлов берилади. Агар бундай юзаларга аввал ишлов 
берилган бўлса яна қайтадан ишлов берилади. 
6)
қора ва тоза ишлов беришни битта дастгохда олиб 
борилса ишлов бериш аниқлиги пасаяди.
7.3. Металл кесиш дастгохлари, мосламалар, кесувчи ва 
ўлчовчи асбоблар танлаш. 
Механик ишлов бериш режаси тузилганда амал қайси 
дастгохда бажарилиши кўрсатилиб ўтилади. Унинг модели ва 
технологик имкониятлари келтирилади. Худди шунингдек ўлчамлари, 
қуввати, унумдорлиги, нархи хам келтирилади.
Дастгохларнинг модели асосан ишлаб-чиқариш турига қараб 
белгиланади. Масалан, донали ишлаб-чиқаришда универсал, ялпи 
ишлаб-чиқаришда 
махсус, 
автоматлаштирилган, 
агрегат 
дастгохлардан фойдаланилади. 
Технологик 
мосламалар 
хам 
дастгохлар 
каби 
иш 
унумдорлигини таpминлаш мақсадида ишлаб-чиқариш турига қараб 
танланади. 
Донали 
ишлаб-чиқаришда 
дастгохни 
ўзидаги 
мосламалардан фойдаланилса ялпи ишлаб-чиқаришда махсус 
мосламалар қўлланилади. 
Кесувчи асбоблар хам ўз навбатида ишлаб чиқариш дастури 
ортишига қараб махсуслашиб боради. Бунинг асосий сабаблари билан 
биз сиз билан аввалги параграфда танишиб чиқдик. 
Худди шу каби ўлчов асбобларнинг стандартлашган универсал 
турлари донали ишлаб чиқаришда қўлланса, ялпи ишлаб-чиқаришда 
махсус 
чегаравий 
калибрлар, 
индикаторли 
қурилмалар 
ва 
мосламалардан фойдаланилади.