Mashg’ulotning maqsadlari : Ta’limiy-bolalar nutqini rivojlantirish, nonning aziz ne’mat ekanligini tushintirish. Tarbiyaviy

NON AZIZ

Mashg’ulotning maqsadlari :

Ta’limiy-bolalar nutqini rivojlantirish, nonning aziz ne’mat ekanligini tushintirish.

Tarbiyaviy-bolalarni mehnatsevarlik ruhida tarbiyalash.

Rivojlantiruvchi-tarbiyalanuvchilarning dunyoqarashini boyitish, tafakkurini va xotirasini rivojlantirish.

Kerakli jihozlar: Mavzuga mos rasmlar, non yasash uchun hamir.

Mashg’ulotning borishi

Salom mening aziz va qadrli bolalarim bugun bizning yurtimizda bayram ekan qanday bayram deysizmi ?

Bugun O’zbekiston Respublikasining Davlat tili qabul qilingan kun ekan. Bolalar 1998-yil 21-oktabrda O’zbekiston Respublikasining Davlat tili qabul qilingan. Bu yil Davlat tili qabul qilinganiga 32 yil bo’libdi. Ana endi bolalar o’rtoqlarimiz yod olib kelgan til haqidagi she’rlarga navbatni beramiz.

Boburjon:

Men O’zbekman, istasangiz shu

O’zimniki qilgum dunyoni

Tilim, elim, savotimni

Lol etaman yer-u samoni.

Imona:

Bobolardan meros qolgan

Butun olam e’zoz qilgan,

Bu dunyoda yagonamsan

Ona tilim jon-u dilim.

Barakalla bolalar ana endi bugungi mashg’ulotimizni boshlaymiz. Bugun biz sizlar bilan birgalikda g’allakorlarning mehnatlari haqida suhbatlashamiz. Keling, avvalo sizlarga non qanday yaralishi haqida aytib o’tay. Dehqonlarimiz kuz faslida bug’doylarni yerga sepib ekishadi. Qish kelishi bilan qor yog’adi. Qor suvini simirib big’doy mo’l hosil beradi. Bahor fasli kelishi bilan bug’doy bo’y cho’zib boshoq qiladi. May oyining oxirgi kunlari va iyun oyining boshlarida bug’doy pishib yetiladi va kambaynlarda o’rib olinadi.Omborlarga jo’natiladi. Omborlarda tegirmonlar qop-qop bug’doylarni bir daqiqada mayin un qilib beradi. Un non zavodlariga mashinalarda tashiladi. Keyin un mahsulotlaridan novvoylarimiz non yasaydilar. Bolalar non yasashdan oldin biz dam olish daqiqasini o’tkazib olamiz.

Dam olish daqiqasi:

Suvga tushdi kapto’gim

Qo’lim cho’zsam yetmaydi

Bilmayman u negadir

Sira cho’kib ketmaydi.

Barakalla bolalar ana endi biz sizlar bilan birgalikda non yasaymiz. Bolalar bilan birgalikda non yasab bo’lgandan keyin bolalarni rag’batlantirib mashg’ulotni yakunlaymiz.