Mashg‘ulot №1 Mavzu: Psixiatriya yordamini tashkil qilish tamoyillari. Psixiatriyada adaptatsiya, dezadaptatsiya, reabilitatsiya masalalari. Ruhiy bemorlarni tekshirish va davolash usullari Mashg‘ulotning maqsadi

Ruhiy infantilizm sindromi alohida ahamiyat kasb etadi, chunki juda ko‘p uchraydi. Pubertat krizisda ruhiy infantilizm 2 xil variantda ko‘rinadi:

Infantillik bolaligida aniqlanadi va pubertat yoshida yoshdan yoshga qarab rivojlanadi.

Infantillik pubertat davrida yuzaga keladi va natijada ruhiy biologik yetilishi asinxron kechadi.

Ijtimoiy psixologik omillar oqibatidagi infantilliklar orasida, «infantillik tavsifi» va «yolg‘iz farzand sindromi» kabi yozuvlar asosida – noto‘g‘ri tarbiya - «oila daxosi» va o‘taxomiylik ko‘rinishidagi tarbiya yotadi.

Infantillikning klinik shakllarini bilish, shaxsning ruhiy rivojlanish darajasini yoshiga to‘g‘ri kelish masalasini hal qilishda zarurdir. Agar o‘smirda rivojlanishning to‘xtab qolishi belgilari ko‘rinsa va unga kompleks psixolog-psixiatr ekspertizalari tayinlansa, bu masala sud-psixiatrlari oldiga juda ko‘p marta ko‘ndalang bo‘ladi. Bu kabi ekspertizalar tayinlashni ishlab chiqayotganda, infantilizmning shunday shakllarini nazarda tutish kerakki, ular sud-ruhiy kasalliklar ahamiyatiga ega bo‘lsin, bunday shakllar amalda kasallikning butun klinik manzarasini mukammal namoyon etadi, ruhiy anomaliyaning boshqa ko‘rinishlari bilinmaydi yoki boshqa anomaliyalarni o‘zi yo‘q.

Ruhiy yetilmaganlikning chuqurligini quyidagi ko‘rsatkichlar ifodalaydi (aql norasolik mezonlari): ruhiyat rivojlanishining har tomonlama to‘xtab qolishi; yaqqol ishonuvchanlik va taqlidga moyillik, intellekt sustligi va irodasizlik, yo‘nalishni yetilmaganligi, maqsadga muvofiq qaror qabul qilib kurashishining yo‘qligi, biron-bir harakatning oqibatini aytib berish qobiliyatining buzilishi, tanqidni buzilishi, axloqan boshqarishning qiyinligi.