Маърузалар матни 1-мавзу. Билимлар иқтисодиёти фанининг мақсад ва вазифалари

БМТ Конвенсия доирасида таъсис этилган раҳбарлик органлари.

БМТнинг юқори органи Бош Ассамблея ҳисобланади. Бош Ассамблея БМТ фаолиятининг асосий масалаларини ҳал қилади, хусусан, Мувофиқлаштириш комиссиясининг тақдимотига кўра БМТ Бош директорини тайинлайди, Бош директор ва Мувофиқлаштириш комиссиясининг ҳисоботларини кўриб чиқади ва тасдиқлайди ва уларга зарур йўриқномалар беради, барча Иттифоқларга умумий бўлган икки йиллик харажатлар бюджетини тасдиқлайди, котибиятнинг иш тилларини аниқлайди, шунингдек бошқа кўпгина масалаларни ҳал қилади.
БМТ Конференцияси муҳимлиги жиҳатидан БМТ­нинг иккинчи органи ҳисобланади. Ассамблеядан фарқли равишда, иттифоқларда иштирокидан қатъи назар барча БМТ аъзо мамлакатлари конференция аъзоси ҳисобланади. Конференциянинг вазифаларига интеллектуал мулк соҳасида барча мамлакатларга умумий аҳамият касб этадиган масалаларни муҳокама қилиш ва улар бўйича мос тавсияномалар қабул қилиш киради.
БМТнинг учинчи органи асосан барча Иттифоқлар учун аҳамиятли бўлган келишув тавсияномаларини ишлаб чиқиш учун тузилган мувофиқлаштириш комитети ҳисобланади. Хусусан, мувофиқлаштириш комитети Ас­самблея ва конференциянинг кун тартибини тайёрлайди, Ассамблеяга бош директор лавозимига номзодни тақдим этади ва ҳоказо.
Бош Ассамблея ва конференция навбатдаги сессияларга икки йилда бир марта йиғилса, Мувофиқлаштириш комитети ўз сессияларини йилда бир марта ўтказади.
Талабнома берувчилар томонидан РСТ, Мадрид ва Гаага тизимлари бўйича тўланадиган халқаро божлар Халқаро бюронинг асосий даромад манбаи ҳисобланади. Бундай божлар, одатда, БМТ даромадлари умумий йиғиндисининг 73%ни ташкил этади. БМТ­нинг бошқа даромадлари унга аъзо давлатларнинг ҳукуматлари тўлайдиган бадаллар (ўртача 18%) ва БМТ нашрларини сотишдан тушадиган даромадлардан ташкил топади.
БМТ шунингдек ривожланаётган мамлакатларда патент тизимининг шаклланишига техник ва молиявий ёрдам кўрсатади.
Шундай қилиб, БМТ фаолияти бутун жаҳонда интел­лектуал мулк хууқуқларини муҳофаза қилиш тизимини такомиллаштириш учун мустаҳкам асос яратади.