Маърузачи: проф. А. Утамуродов “Тарбия” фани орқали билим, кўникма ва малакаларни таълим мазмунига кенг сингдириш

Таълим мазмуни нима?
Таълим мазмуни унинг мақсадига мувофиқ, ижтимоий шарт шароит, фан ва техника, санъат ҳолати ва шу кабини ҳисобга олган ҳолда белгиланади. Касб-ҳунар коллежлари, ўрта махсус ва олий ўқув юртларидаги таълимнинг мазмунига умумий маълумотдан ташқари муайян касб ва мутахассислик учун зарур бўлган махсус билим, малака ва кўникмалар ҳам киради.
Таълим мазмуни ўқув режа ва дастурлари, дарслик ва бошқаларда ёритилади. Таълимда қўйилган мақсадга эришиш учун турли метод, восита, ташкилий тизим ва шакллар (маъруза, суқбат, тажрибалар ўтказиш, кўргазмали қуролларни қўллаш, кузатиш, машқ ва шу каби)дан фойдаланилади. Ўқув жараёнида техник воситалар (кино, телевидение, радио, компьютер, ЭҲМ ва б.)ни кенг қўллаш таълим методини ишлаб чиқишга катта таъсир кўрсатади.
Таълимнинг мазмуни - жамиятнинг моддий ва маданий тараққиёти даражаси билан белгиланади. Ижтимоий муносабатлар, умумий маълумотга бўлган эҳтиёж, кишиларнинг касбий тайёргарлигига, Таълим ҳақидаги педагогик ғояларга қараб кишилик жамияти тараққиётининг турли босқичларида Таълимнинг моҳияти, методи, ташкилий шакллари ўзгариб борган.
Маънавий-маърифий ишлар тушунчаси
Маънавий-маърифий ишлар – кенг оммани маънавий ва маърифий жиҳатдан тарбиялаш, уларнинг умумий маънавий савиясини юксалтириш, ижодий қобилиятларини ривожлантириш, бўш вақтларини самарали ўтказишга кўмак берувчи тадбирлар тизимини ифодаловчи тушунча.
Маънавий-маърифий ишлар мазмуни, мақсад-муддаолари ҳар бир замон ва маконнинг ижтимоий, сиёсий, иқтисодий, маданий-маърифий, ғоявий, мафкуравий хусусиятларига чамбарчас боғлиқ ҳолда шаклланади. Маънавий-маърифий ишлар тушунчаси кенг маънода ўқув муассасалари таълим-тарбия масканлари, клублар, ахборот-ресурс марказлари, маданият ва истироҳат боғлар фаолиятини қамраб олади.
Маънавий-маърифий ишлар мазмуни
Маънавий-маърифий ишлар воситалари
Маънавий-маърифий ишларда музей, кинотеатр, театр ва бошқа маданий-маърифий муассасалар, ОАВ (газета, журналлар, Интернет, радио, ТВ) муҳим ўрин тутади. Маънавий-маърифий ишлар муассасаларининг кенг тармоғининг ташкил этилиши, уларнинг ўсиши ва такомиллашуви билан унга раҳбарлик қилиш жараёни ҳам мукаммаллашиб боради.
Инсон дунёқарашини шакллантириш, маънавий-ахлоқий тарбия, ғоялар тарғиботи, иқт-й билимларнинг илмий-техникавий тарғибот-ташвиқоти, эстетик ва жисмоний тарбия, бадиий ҳаваскорлик, маданий дам олишни ташкил этиш, ёш истеъдодларни ҳар томонлама қўллаб-қувватлаш маънавий-маърифий ишларнинг турли йўналишларидир.