Маърузачи: проф. А. Утамуродов “Тарбия” фани орқали билим, кўникма ва малакаларни таълим мазмунига кенг сингдириш

МИРЗО УЛУҒБЕК НОМИДАГИ ЎЗБЕКИСТОН МИЛЛИЙ УНИВЕРСИТЕТИ «Фуқаролик жамияти ва ҳуқуқ таълими» кафедраси 12-мавзу: Тарбия фани доирасида маънавий-маърифий ишларни ташкил этиш ва ҳамкорлик масалалари
Маърузачи: проф. А.Утамуродов

• “Тарбия” фани орқали билим, кўникма ва малакаларни таълим мазмунига кенг сингдириш.
• Маънавий-маърифий ишларда янгича ёндашув ва инновациялар.
• Тўгараклар фаолиятини Президентимизнинг “Беш муҳим ташаббус” асосида самарали ташкил этиш.

Режа:
Билим нима?
Билим — кишиларнинг табиат ва жамият ҳодисалари ҳақида ҳосил қилган маълумотлари; воқеликнинг инсон тафаккурида акс этишидир.
Кундалик тасаввуримизда ниманинг нима эканлигига ишонсак ва бу ишонч биз одатланган воқеа ва ҳодисаларга зид келмаса бундай ишонч билим ҳисобланади. 
Воқелик ҳақидаги билган маълумотларимиз билим даражасига кўтарилиши учун бир қатор ўзига хос шартлар топилиши лозим.
Учала шарт биргаликда мавжуд маълумотларни билим даражасига олиб чиқади.
Билимнинг қандай шартлари бор?
биринчидан, бу маълумотларнинг воқеликка мутаносиблиги;
иккинчидан, етарли даражада ишонарли бўлиши;
учинчидан, бу маълумотлар далиллар билан асосланган бўлиши лозим.
Инсон ижтимоий тараққиёт жараёнида билмаслиқдан билишга, мавҳум билимлардан мукаммал ва аниқ билимлар ҳосил қилиш томон боради. Кишининг моддий дунё тўғрисидаги билими нисбийдир, у доимо ривожланиб боради.
Билим кундалик тажриба, кузатиш орқали тўпланади. Билимларни тадқиқ этувчи таълимот — эпистемологияда перцептив (ҳиссий), ҳаётий — кундалик (соғлом акл) ва илмий билим шакллари ажратиб кўрсатилади.
Билим ривожи ва шакли
Илмий адабиётларда билимларнинг илмий ва илмдан ташқари шакллари ҳам фарқ қилинади. Илмдан ташқари билимларга маданият, адабиёт, санъат, мифология, дин ва ш. к. соҳаларга оид билимлар киради.