ma’ruza. Portfolio shaklida o’quv natijalarini nazorat qilish va baholash tizimi Reja

Yutuqlar portfoliosi – ushbu portfolioda ahamiyat faoliyatdagi yutuqlarni tasdiqlovchi xujjatlarga qaratiladi.
Taqdimot portfoliosi – o’qituvchining eng yaxshi ishlari to’plami. Ushbu portfolio yangi ishga kirayotganda, suhbatdan o’tish uchun yoki turli tanlovlarda qatnashish uchun kerak bo’ladi.
Hisobot ko’rinishidagi portfolio – biror-bir loyiha ishini tugatayotgan vaqtda bajarilgan ishlar va erishilgan yutuqlar haqida ma`lumot beruvchi portfolio.
Majmuaviy portfolio – yuqorida ko’rsatilgan portfolio ko’rinishlarini qamrab oladi va o’qituvchi portfoliosini namoyish etishda kerak bo’ladi.
Har bir o’qituvchining hayotida qiziqarli, arzigulik “kasbiy yutuqlari” bo’ladi. Bunday yutuqlar uning saytida yoki portfoliosida joylashishi maqsadga muvofiq. Portfolioning asosiy jihati – o’qituvchining kasbiy kompetentligini baholash uchun amaliy faoliyatdagi natijalarini (bajargan loyihalari, olimpiada va tanlovlarda qatnashganligi, olib borgan izlanishlari kabilarni) namoyish etish. Portfolio o’qituvchiga o’z ishlari natijalarini tahlil etish, umumlashtirish, tizimlashtirish, o’z imkoniyatlarini ob`ektiv baholash va qiyinchiliklarni bartaraf etishni rejalashtirish va yuqori natijalarga erishish imkoniyatini beradi. O’qituvchi portfoliosining ikkinchi muhim jihati – bu pedagog ishining natijasi va professionalligini baholashning alternativ formasi ekanligi.
Funktsiyasi

to’plangan	model asosida
o’qituvchi yutuqlari (faxriy yorliqlar, diplomlar, guvohnomalar, sertifikatlar va h.); ishchi materiallar to’plami (ochiq dars ishlanmalari, tayanch materiallar, testlar, amaliy va laboratoriya ishlari va h.)	o’qituvchining rivojlanish dinamikasini akslantiradi; mustaqil izlanish natijalarini ko’rsatadi; o’qitish stilini namoyish etadi; reflektsiyani yuzaga keltirishga yordam beradi; faoliyatni rejalashtirishga yordam beradi

Portfolio faoliyatning turli xil ko’rinishlarida (o’quv, tarbiyaviy, ijodiy, metodik, tadqiqot) o’qituvchi erishgan yutuqlarini yuzaga chiqarish imkonini beradi.