Ma’ruza matnlari

O‘rik  –  abrikos  emas,  abrikos  esa  o‘rikdir.  O‘zimiz  bilmagan  har  qanday  shartli  sistema 
haqida yuqoridagi fikrlarni aytsak, bo‘laveradi. Shartli belgilar, ularning ifodalovchi va ifodalanmish 
tomonlari,  shartli  belgining  tabiati,  imkoniyatlari,  shakllanish  jarayoni,  amal  qilish  xususiyatlari, 
sharoiti  haqidagi  fan  sohasi  semiotika  deyiladi.  Semiotika  grekcha  semeion  (“belgi”)  so‘zidan 
olingan bo‘lib, uning asoschisi amerikalik olim Charlz Sanders Pirs (1839-1914) dir. Tilshunoslik – 
semiotikaning  bir  sohasi.  Lekin  semiotikani  tilshunoslikning  sohasi  deb  ajratish  ma’lum  darajada 
mantiqsiz.  Til  “bor  bo‘yi”  bilan  shartli  belgilar  sistemasi  ekan,  tilshunoslikni  semiotikaning 
markaziy  sohasi  deyishi  mumkin.  Noto‘g‘ri  tushunish  natijasida  semiotika  tilshunoslikda  alohida 
soha sifatida o‘z o‘rniga ega bo‘la olmayotir.