Ma’ruza matni

MA‘RUZA MASHG‘ULOTLARI. 
150 
— kengashda kun tartibidagi masalalarni ko‘rishdan oldin avvalgi kengashda qabul qiilingan 
qarorlarning ijrosi haqidagi masala eshitiladi va ijrosi ta‘minlangan har bir masala yuzasidan qabul 
qilingan qarorlar nazoratdan olinadi; 
— kengash kun tartibida muhokama etilayotgan har bir masala aniq ifodalangan bo‘lishi, masalalar 
o‘quv yilining asosiy vazifalaridan kelib chiqqan holda kiritilishi lozim. Kengashda ko‘riladigan 
masalalar soni uchtadan oshmasligi zarur; 
— kengashda qabul qilingan qarorlar ijrosini nazorat etish muassasa rahbari zimmasiga yuklatiladi. 
Pedagogika kengashi huquqlari 
—Pedagogika kengashi maktabgacha ta‘lim muassasasi faoliyatini rivojlantirish yunalishining 
istiqbol rejasini belgilaydi; 
— maktabgacha ta‘lim muassasasining o‘z oldiga qo‘ygan maqsad va vazifalarni bajarish yullarini 
belgilab beradi va ijrosini ta‘minlaydi; 
— ta‘lim-tarbiya jarayonini tashkil qilishda turli shakl va metodlarni ishlab chiqadi; 
— o‘z vakolati doirasida ishlab chiqilgan xujjatlarni muhokama qiladi va tegishli qarorlar qabul 
qiladi; 
— pedagoglarning malaka oshirishdan keyingi amalga oshiradigan vazifalari yuzasidan ishlab 
chiqilgan istiqbol ish rejalarini tasdiqlaydi va ularning ijrosi ta‘minlanishini nazorat qiladi; 
— maktabgacha ta‘lim muassasasi nizomiga muvofiq, pedagog xodimlarni rag‘batlantirish va 
jazolash bo‘yicha masalalarni hal qiladi. 
Pedagogika kengashi bayonnoma daftarining yuritilishi 
Kengash bayonnomasi yoziladigan daftarning kirish qismida kengash o‘tkaziladigan sana, 
bayonnoma tartib raqami, qatnashgan pedagoglar soni, kengash raisi va kotibining ismi-sharifi qayd 
etiladi, qatnashmagan pedagoglarning qatnasha olmaslik sabablari ko‘rsatilgan holda familiyalari 
tartib buyicha yozib chiqiladi. 
Bayonnomalar daftarida Pedagogika kengashi kun tartibiga kiritilgan masalalar muhokamasi, 
kengash a‘zolari kiritgan taklif va mulohazalar hamda kun tartibidagi xar bir masala yuzasidan 
qabul qilingan qarorlar qayd etib boriladi. Kun tartibiga «Turli masalalar» yoki «Boshqa 
masalalar»ning' kiritilishiga yul qo‘yilmaydi. 
Bayonnomalarda yul qo‘yilgan kamchiliklarga tegishli izoh berilib, kengash raisining imzosi 
bilan tasdiqlanadi. Bayonnomalar aniq, ozoda, ravon yozilishi, daftarning xar bir sahifasi 
raqamlanishi va tikilishi lozim. 
Bayonnomalar daftari maktabgacha ta‘lim muassasalari faoliyatini metodik ta‘minlash va 
tashkil etish tuman (shaxar) bo‘limi mudiri tomonidan, nodavlat maktabgacha ta‘lim muassasalarida 
esa muassis tomonidan imzolanadi va muxrlanadi. 
Kengash bayonnomasi Pedagogika kengashi raisi va kotibi tomonidan imzolanadi va 
muxrlanadi. 
Pedagogika kengashi bayonnomasi har o‘quv yili boshida yangidan raqamlanadi. Pedagogika 
kengashi xujjatlari 
Pedagogika kengashi xujjatlari ta‘lim muassasasining ish yuritish xujjatlari bilan birga 
saqlanadi. 
Pedagogika kengashi xujjatlari bayonnoma va pedagogika kengashi kun tartibida muhokama 
qilingan masalalarga oid materiallardan iborat. 
Pedagogika kengashi xujjatlari muassasada uch yil davomida saqlanadi. Tarbiyachilarning eng 
yaxshi tajribalarini o‘rganish, barcha ilg‘or tajribalarini tahlil qilish va amaliyotga joriy etish 
maktabgacha ta‘lim muassasasi uslubiy faoliyatining asosini tashkil etadi. 

---