Ma’ruza matni

MA‘RUZA MASHG‘ULOTLARI. 
78 
3. Ota-onalar va jamoatchilik bilan ish uslublarini izohlab ko‘rsating. 
4. XTB – ning yillik ish rejasi mazmunini sxemalashtiring. 
9-MODUL MUDIRA 
10-MAVZU: MUDIRA – MAKTABGACHA TA‘LIM MUASSASASI RAHBARI. 
MUDIRANING TARBIYAVIY ISHLARGA RAHBARLIK QILISHI. 
Reja: 
1. Mudira tashkilotchi, ma'muriyatchi, yuqori malakalipedagog va unga qo'yilgan talablar. 
2. Maktabgacha ta'lim muassasasida ta‘lim tarbiya ishlariga rahbarlik qilish. 
3. Maktabgacha ta'lim muassasasi mudiri faoliyati. 
Tayanch tushunchalar:
medik-pedagogik kengash, programm-metodik, kontingent, operativ 
masalalar, metodik ish kompleksi, tahlil, qiyosiy nazorat 
1. Mudira tashkilotchi, ma'muriyatchi, yuqori malakali 
pedagog va unga qo'yilgan talablar 
Tanqidiy tahlil qat'iy tartib-intizom 
va shaxsiy javobgarlik - har bir rahbar 
faoliyatining kundalik qoidasi bo'lishi kerak
. 
Shavkat Mirziyoyev, 
O'zbekiston Respublikasi Prezidenti
Maktabgacha ta'lim muassasasi - murakkab tarmoq bo'lib, mudiraning undagi roli, faoliyati 
ko'p qirralidir. Mudira - ta'lim muassasasining tashkilotchisi, rahbari, malakali pedagog, uning 
faoliyati maktabgacha ta'lim yoshidagi bolalarni komil inson qilib tarbiyalash vazifalarini to'laqonli 
hal etishga qaratilgan. U maktabgacha ta'lim muassasalaridagi ta'lim-tarbiyaviy, pedagogik va 
gigiyenik talablarga muvofiq ravishda amalga oshirilishi uchun zarur lozim-sharoitlarni ta'minlaydi. 
O'z jamoasida ishchanlik, maqsadga qaratilgan inoqlik vaziyatini yaratadi. Ularga umumiy rahbarlik 
qiladi.
Mudira o'z ishida davlatimiz va Maktabgacha ta'lim vazirligi tomonidan qabul qilingan qaror, 
qonunlarga amal qiladi va o'z ustida ijodiy ravishda ishlashni amalga oshiradi. Yuksakonglilik va 
siyosiy yetuklik, tamoyillilik, o'ziga va qo'l ostidagilarga talabchanlik - bu mudiraga qo'yiladigan 
asosiy talablardir. 
Davlat maktabgacha ta'lim muassasasi muassis tomonidan tashkil etiladi va qonun hujjatlarida 
belgilangan tartibda ro'yxatdan o'tkaziladi. 
Davlat organlari, shu jumladan mahalliy davlat hokimiyati organlari hamda qonun hujjatlariga 
muvofiq davlat maktabgacha ta'lim muassasasining muassislari bo'lishi mumkin. 
Davlat maktabgacha ta‘lim muassasasiga bevosita rahbarlik qilish O'zbekiston Respublikasi 
Maktabgacha ta‘lim vazirligi bilan kelishilgan holda tegishlicha Qoraqalpog'iston Respublikasi 
Maktabgacha ta'lim vazirligi, viloyatlar maktabgacha ta'lim boshqarmalari hamda Toshkent shahar 
maktabgacha ta'lim bosh boshqarmasi tomonidan tayinlanadigan mudir tomonidan amalga 
oshiriladi. 
Davlat maktabgacha ta'lim muassasasi mudiri bilan mehnat shartnomasi bir yil muddatga 
tuziladi. 

---