Маруза матни

Аденозинтрифосфат (АТФ)
АТФ - хужайралардаги органик моддалар оксидланиб парчаланганда ажралиб чиқадиган моддадир, у кимёвий энергиянинг асосий аккумулятори ҳамда унинг универсал элтувчиси ҳисобланади.

Аденозинтрифосфат

Бундай оксидланиш натижасида энергиянинг ажралиб чиқиши ҳамма вақт аденозинтрифосфатнинг аденозиндифосфат ва анорганик фосфатдан синтез бўлиши билан ҳамоханг бўлишини кўрсатади. АТФ нинг гидролизи одатда энергияга керакли бўлган реакция билан боғлиқ. Бу жараён биологик системаларда кўпинча АТФ молекуласида охирги турган фосфат кислота қолдиғи озод ажралиб чиқиши билан амалга ошади. Бу реакцияларни фермент - фосфотрансферазалар (киназалар) катализлайди.
Аденозинтрифосфат ёғ кислоталарни, аминокислоталарни, сирка кислотасини, желч (ўт пуфаги) кислоталари (С₂₄ дан С₂₇ гача бўлган монокарбон кислоталар) ни, анорганик анионларни активлашда қатнашади. Активлаш аввало субстратга макроэнергетик боғга эга бўлган фосфат кислотасинининг бирикиши билан содир бўлади.

Маълумки, РНК молекуласига кислота ва ишқорлар таъсир эттирилганда нуклеозид-2-фосфат ва нуклеозид-3-фосфатлар ҳосил бўлиб парчаланади. Бундай гидролизланиш Н^ ҳамда ОН^- ионлари билан катализга учраб оралиқ циклик фосфат бирикма ҳосил бўлиши билан кетади. Сўнгра ҳосил бўлган 2,3-циклик фосфат ионалмашув смолалар ёрдамида 2- ва 3-изомер фосфатларга парчаланиб ажралиши мумкин:

Rпурин ёки пиримидин асослари

Аденозин 3,5-циклофосфат хужайрада кетадиган ферментатив реакциялар маҳсулоти ҳисобланади. Бунда аденозин-5-фосфатга (АТФ) оқсил гормонлари иштирокида ҳосил бўладиган аденилатциклаза ферменти таъсир эттирилганда иккита фосфат кислотаси қолдиғи ажралиб чиқади ва аденозин-3',5'-циклофосфат ҳосил бўлади.

Аденозин-3',5'-циклофосфат
Бу жараёнда аденозин-3',5'-циклофосфатнинг ҳосил бўлиши муҳим биологик роль ўйнайди. Масалан, унинг ҳосил бўлиши жигар хужайра мембраналари фаолиятида АТФ нинг парчаланиши натижасида икки молекула фосфат кислотаси қолдиғи ажралиб чиқиши ва уларнинг яна нуклеин кислота молекулалари билан бирикиб нуклеофосфатлар ҳосил қилиши, фосфат кислота қолдиқлари ажралиб чиқиш вақтида организм учун керакли бўлган маълум энергия чиқиши катта аҳамиятга эга.