Ma’ruza 23 Elektr yuritmalarni ishga tushirish. Reja

Ma’ruza 23

Elektr yuritmalarni ishga tushirish.

Reja:

1.Umumiy ma’lumotlar

2. Ishga tushirish reostatlarini analitik usulda aniqlash.

3. Ishga tushirish reostatlarini grafik usulda aniqlash.

4. Ketma-ket qo’zg’atishli o’zgarmas tok yuritgichi.
Elektr yuritmalarni ishga tushirish deb, ularni elektr tarmoqqa ulash va aylanish tezligini kerakli bo’lgan miqdorgacha ya’ni nominal tezlikkacha olib chiqish jarayoniga aytiladi.

Ma’lumki, ishga tushirish jarayonida elektr yuritmalar tarmoqdan katta miqdorda tok iste’mol qiladi. Bu esa elektr yuritgich chulg’amlari izolyatsiyasining ishdan chiqishiga va uning kuyishiga, elektr yuritgich katta qo’zg’atuvchi moment hosil qilishi natijasida ishchi mexanizm buzilishiga, elektr tarmoqda kuchlanishning pasayishiga va shu tarmoqqa ulangan boshqa iste’molchilarning ishlashiga salbiy ta’sir ko’rsatishiga olib kelishi mumkin.

SHu sababli ishga tushirilayotgan elektr yuritmalarning iste’mol toklarini ma’lum miqdorgacha chegaralash talab qilinadi. Buning uchun elektr yuritmalarni, kuchlanishni pasaytirib yoki o’zgarmas tok yuritgichlari yakori va asinxron faza rotorli yuritgichlari rotori zanjirlariga qo’shimcha qarshiliklar ulab, ishga tushirish usullari qo’llaniladi.

Elektr yuritmalarni qo’shimcha qarshilik ulab ishga tushirish usulini pog’onali yoki reostatli deyiladi.

Qo’shimcha reostat qarshiliklari qiymatlarini aniqlash uchun analitik yoki grafik usullari qo’llaniladi.