Ma’ruza №2. Mashina detallari va ish jihozlari (davomi) reja

Kompensatsiyalovchi muftalar bir-biriga nisbatan biroz siljib qolgan, tayyorlash, yig‘ish jarayonida yoki ish vaqtida deformatsiyalanishi natijasida qiyshiqlikka ega bo‘lib qolgan vallarni o‘zaro ulashda qo‘llanadi. Bunday muftalarning turi ko‘p. Shulardan biri tishli muftalardir (1.26-rasm, г), ular tashqi tishlari bor ikkita yarim muftadan va ichki tishlarga ega bo‘lgan oboymadan iborat. Yarim muftalar vallarning uchlariga o‘rnatiladi, ularning tishlari esa oboyma tishlari bilan ilashadi. Tishli muftalar tutashgan tishlarning siljishi hisobiga vallarning o‘qiy, radial va burchak siljishlarini kompensatsiyalaydi. Xuddi shu vazifani zanjirli muftalar (1.26- rasm, ж) ham bajaradi. Bu muftalar bir xildagi zanjirli yulduzchalardan iborat ikkita yarim muftadan iborat, ular bir vaqtning o‘zida bir qatorli, ikki qatorli rolikli va tishli zanjir qamrab oladi. Kulachok-diskli, krestsimon muftalar keng qo‘llanilmoqda, ular to‘g‘ri to‘rtburchak uyig‘i bor ikkita yarim muftadan va o‘rtadagi krestsimon chiqiqlari bor diskdan iborat (1.26- rasm, д), shuningdek sirpanuvchi vkladishli (1.26-rasm, e) muftalar bor.