Ma’ruza 16 O`qishni o`rgatish Reja

O`qishni o`rgatish prinsiplari. Yuqorida didaktik, psixologik, metodik prinsiplar o`rganilgan edi. Ulardan tashqari o`qishni o`rgatishning xususiy prinsiplari ham ilmiy ishlab chiqilgan. Ushbu prpnsiplar o`qishning o`ziga xos nutq faoliyati turi hamda

chet til ta’limidan ko`zlanadigan maqsadligini aks ettiradi. O`qishni o`rgatishda quyidagi prinsiplarga rioya qilish tavsiya etiladi:

1. 
   O`qishni o`rgatish — nutq faoliyati turini o`rgatish deb qaralmog‘i lozim. Ushbu qoidani inobatga olib ish yuritilganda, o`quvchilarga o`qish haqida to`g‘ri
   

yo`llanma beriladi. Tajribada kuzatiladigan metodik xatolardan bo`lmish til materialini o`zlashtirish yoki matnga yaqin gapirib berishni yagona o`quv vazifasi qilmasdan, matnni faoliyatda qo`llash materialiga aylantirish oldingi o`ringa chiqarilishi tavsiya etiladi. O`quvchilarga matnni o`qib axborot olishni mashq qildirish—birlamchi yakuniy maqsad amalda tatbiq etilishi kerak. Bunga nutqiy amallarni bajarish bilangina erishiladi, bu jarayonda muayyan natijaga erishish

(mazmunni bilib olish, axborotni egallash) ko`zda tutiladi. Matnni o`qish ma’naviy boyishga, yangi-yangi axborotlarni olishga qaratilgan o`quv-metodik tadbirdir.

O`quv jarayonida o`qiganni tushunish boshqariladigan yumushdir: o`qish oldidan topshiriq berilishi shart va o`qib bo`lgayday so`ng tegishli metodik usullarni qo`llanib, tushunganlik tekshiriladi. To`liq va aniq tushunganlik o`quvchilar tomonidan vazifani muvaffaqiyatli bajarish hisoblanadi. Xullas, ushbu prinsipga ko`ra o`qishning mohiyati — o`quvchiga axborot yetkazish qoidalashtirib qo`yiladi.

2. 
   O`qishni o`rgatish bilish jaryayoni sifatida tashkil etiladi. Faqat amaliy faoliyat ko`rsatish bilan chegaralanmasdan, matn o`quvchi bilishga, yangi ma’lumot
   

o`rganishga ham harakat qiladi. Axborot olish — bilish faoliyatini yuritishdir. Bu yerda bilish va nutqiy faoliyatning farqiga borish kerak. Nutqiy faoliyat natijasi bilishga olib keladi. Binobarin, o`qish materiali (jumladan matn) mazmuniga e’tiborni ko`chaytirish talab qilinadi. Mazmun qiziqarliligi o`quvchilarning axborot olishga intilishlarini belgilovchi, ularni maroq bilan o`qishga undovchi omil vazifasini o`taydi.

Matn mazmunida va tilida oqilona me’yordagi qiyinchiliklar bo`lishi o`quvchining aqliy faoliyatini kuchaytiradi, tafakkurini astoydil ishga tushirishga sabab bo`ladi. Demak, mazkur pripsipga binoan o`quvchilar chet tilda o`qib, ayni chog‘da bilish faoliyati bilan mashg‘ul bo`ladilar.

3. 
   O`quvchilarning ona tili va ikkinchi tilda to`plagan o`qish tajribalariga suyanib, ularga chet tilda o`qish o`rgatiladi. Dastavval, o`quvchining chet tilda o`qishga
   

munosabati shakllantiriladi. «O`qisam, o`rganaman» degan naqlga amal qilib ish tutish zaruriyati tug‘iladi. Birlamchi shart mana shudir. Til tajribasidagi nutqiy usullarning ko`chish hodisasiga duch kelamiz. Chet tilda harf-tovush munosabatlarining o`zlashtirilishi bilanoq o`quvchilarga ichda o`qishni taklif boshlash ma’quldir. Bu ikkinchi shartdir.

Bir so`z bilan aytganda, o`qish mobaynida til tajribasining imkon boricha ishga tushirilishi talab etiladi.