Ma’ruza №15 Mavzu: Informatika yo‘nalishidagi fanlarini o‘qitishda didaktik tamoyillar

Informatika o’qitish metodikasi 15 – ma’ruza
Ma’ruza №15
Mavzu:Informatika yo‘nalishidagi fanlarini o‘qitishda didaktik tamoyillar
REJA:

• Ilmiylik
• Tizimli va izchil bayon qilish
• Tushunarlilik
• Ko‘rgazmalilik
• Nazariyaning amaliyot bilan bog‘lanishi
• Bilimlarni mustahkam o‘zlashtirish
• Faollik

Tayanch tushunchalar: ilmiylik, tushunarlilik, faollik, ko‘rgazmalilik, bayon qilish, mustahkamlash, bog‘lash.

Informatika o’qitish metodikasi 15 – ma’ruza
Didaktikaning predmeti-ta’lim jarayoni va uning qonuniyatlaridir. Didaktika o‘ziga xos tadqiqot sohasiga va tadqiqot predmetiga ega bo‘lganidek, uning o‘ziga oid tushunchalar tizimi ham mavjud. Har bir tushuncha ma’lum didaktik hodisaga taalluqli bo‘lib, ular vositasida didaktik hodisalarning asosiy belgilari umumlashtiriladi. Demak, didaktik tushunchalar pedagogik fikrlash shakli, shuningdek, didaktik hodisalarni bilish, tadqiqqilish, bayon qilish hamda amaliyotda foydalanish vositalaridir.
Informatika o’qitish metodikasi 15 – ma’ruza
Didaktik kategoriyalar - didaktikaning ayrim muhim tushunchalari didaktikaning kategogriyalari deb ataladi.
Ma’lumot-ta’lim va tarbiya jarayonida o‘zlashtirilgan va tizimlashtirilgan ilmiy bilimlar, bilim olish ko‘nikma va malakalari, hamda ular asosida tarkib topgan dunyoqarashlar, ahloqiy fazilatlar, shuningdek,shaxsning ijodiy qobiliyatlarini rivojlantirish yig‘indisidir.
Ta’lim-ma’lum maqsadga qaratilgan o‘quvchilarni bilim, ko‘nikma va malakalar bilan qurollantiradigan, o‘qituvchi va o‘quvchining birgalikdagi faolliklariga asoslangan jarayondir. O‘qitish o‘qituvchining faoliyatini, o‘qish esa o‘quvchining bilim olish faoliyati jarayonini bildiradi.
Bilimlar-insoniyatning asrlar davomida ijtimoiy-tarixiy amaliyot jarayonida to‘plagan umumlashgan tajribasidir.