Маъруза 14 Робототехник ва техник мажмуаларни дастурий бошқариш тизимлари истиқболи

Адаптив ва дастурлаштирилган роботлар 
Адаптив роботлар ташқи муҳит ўзгаришларига мослаша олади. Уларнинг биринчи 
авлоди программали роботларга қараганда, функционал имкониятлари кенг бўлади. 
Ташқи муҳит бўйича информацияни олишда турли хил сенсор қурилмалардан 
фойдаланилади. Масалан, сунъий кўз тизимлари, тактил сенсорлар, локацияли датчиклар 
ва ҳ.к. Адаптив роботнинг тузилиш схемаси 14.2-расмда келтирилган. 
Адаптив робот дастурлаштирилган роботларга қараганда, ташқи муҳит 
ўзгаришларига мослаша олади, уларда адаптация ташқи муҳитдан сенсор қурилмалари 
орқали олинган информация асосида бошқарис амалга оширилади. Адаптив роботларнинг 
дастурий таъминотлари биринчи авлод роботларига нисбатан мукаммал тузилган. 

---

14.3- расм. Адаптив робот схемаси. 1- манипулятор, 2 - ҳаракатланис қурилмаси, 3 - 
дастурни ўзгартириш қурилмаси, 4 - ҳисоблаш қурилмаси, 5 - сенсор қурилмаси, 6 - 
мулоқот қурилмаси, 7 - манба блоки. 
Дастурлаштирилган роботлар 
Дастурлаштирилган роботларга автоматик ишловчи программали бошқариладиган 
роботлар киради, уларда манипуляцияли операцияларининг характерига қараб, 
программалаш ва механик қурилмаларининг ишлаш нисбатан осон мослаштирилади. 
Бундай роботларда бошқариш қурилмаси сифатида программали бошқариш 
қурилмаси ёки компьютер ишлатилади. Биринчи авлод роботлари етарли даражада 
универсал ва кўп имкониятларга эга ҳисобланади. Мавжуд автоматлаштириш 
воситаларига қараганда, биринчи авлод саноат роботлари янги топшириқларни бажаришга 
тез ва яхши мослашади. 
Дастурлаштирилган роботнинг тузилма чизмаси 14.4- расмда келтирилган. 

---

14.4- расм. Дастурлаштирилган роботнинг тузилиш схемаси 
Дастурлаштирилган роботда адаптив роботдаги сенсор қурилмалар бўлмайди, 
уларда фақат ҳолат, тезлик ва куч датчиклари қўлланилади. Масалан, конвейрда детал 
келаётган бўлса ва агар детал тугаб қолса, дастурлаштирилган робот детал йўқлигини 
сезмайди, адаптив робот эса ўзининг сенсор қурилмалари ёрдамида детал йўқлиги бўйича 
информация олиб, ўз дастурини ўзгартиради. Шундай қилиб, адаптив робот ишлаш 
жараёнида ташқи муҳитга мослаша олади.