Maruza №1 1-mavzu: Fanning vazifa va mazmuni

2. Ishonchlilikning asosiy atama va tushunchalari
Buyum deganda element, tizim yoki ularning qismlari tushuniladi. Barcha turdagi elektr qurilmalari va ularning qismlari ham buyumdir.

Buyumning ekspluatatsiyasi deganda esa uning ishi davomidagi hamma fazalari majmui, shu jumladan, uni eltish va saqlash muddati, vazifasi bo‘yicha ishga tayyorlash, texnik xizmat ko‘rsatish va ta’mirlash va h.k. tushuniladi.

Buyumning o‘z vazifasi bo‘yicha ishlatish mumkinligi darajasini aniqlovchi xususiyatlar majmui uning sifati deb ataladi.

Elektr qurilmalarining ishonchliligi (puxtaligi) deb uning belgilangan davr (masofa) mobaynida va ma’lum ekspluatatsiya sharoitlarida buzilmay, ishchi xarakteristikalarini yo‘l qo‘yiladigan chegaralarda saqlab qolib, o‘z vazifalarini bajarish xususiyatiga aytiladi. Boshqacha so‘z bilan aytganda ishonchlilik - sifatning vaqt bo‘yicha yoyilmasidir.

Elektr qurilmalarining ishonchliligi uning buzilmaslik, chidamlilik, ta’mirlashga moyillik va saqlanuvchanlik xususiyatlari bilan baholanadi.

Avval aytilganidek, ishonchlilik nazariyasining asosiy tushunchasi buzilishdir.

Sinov uchun savollar?
1. Ishonchlilik fani nimani o‘rganadi?

2. Falsafa nuqtai nazaridan sifat nima?

3. Ishonchlilikning erishilgan darajasi birinchi navbatda qanday baholanadi?

4. Elektr qurilmalarining majmuiy samaradorligi qanday aniqlanadi?

5. Qaysi vaqtlarda elektr qurilmalariishlab chiqarish va ekspluatatsiyasi uchun ketadigan sarf-xarajatlar yig‘indisi uning olib keladigan daromadiga teng bo‘ladi?