Ma’rupov akmaljon

Dorivor gulxayri - daryo va ko`llar sohilidagi to`qaylarda uchraydi. Bo`yi 70-150 sm 

keladigan ko`p yillik o`t. Ildizidan tayyorlangan damlama yo`talga qarshi ishlatiladi.  

G`o`za-O`zbekistonda 3ta turi o`sadi . Hammasi madaniy bir yillikdir. 

Jaydari g`o`za- ko`saklari mayda.  Tolasi mallarang , qisqa va dag`al, vatani Afrika, O`rta 

Osiyoda eramizdan oldingi davrlardan boshlab to 1925-yilgacha ekilgan.  Hozir faqat tajriba 

maydonlarida uchratish mumkin. 

Meksika yoki oddiy g`o`za - ostki gulkosachabarglari 3 ta. Gullari yirik, gultojibarglari och 

sariq, tubi qizil dog`siz. Ko`saklari yirik , 4-5 chanoqli, yaxshi ochiladi , tolasi mayin, uzun , 

oq, ba`zan qo`g`ir rangda. Vatani Markaziy Amerika.1925-yildan beri O`zb-nda  ekiladi.  Hozir 

shu turdan ko`plab navlar keltirilib chiqarilmoqda. 

Misr g`o`zasi  yoki  Barbadoss - ostki gulkosachabarglari 3 ta. Gullari yirik, gultojibarglari 

sap-sariq limon rangda, tubi qizil dog`i bor . Ko`saklari yirik, 3-4 chanoqli,  yaxshi ochiladi 

.Tolasi uzun, ipakka o`xshash mayin, och sariq. Vatani Janubiy Amerika 

(Peru,kolumbiya,Braziliya). 

O`zbekistonda Buxoro, Navoiy, Qashqadaryo va Surxondaryo viloyatlarida ekiladi. Hamma 

«ingichka tolali g`o`za navlari» va «Misr g`o`zasi» shu turga taalluqlidir. Selektsioner 

olimlarimiz tomonidan g`o`zaning serhosil, tezpishar, tolasi uzun va pishiq, qurg`oqchilikka, 

tuzga hamda kasallikka chidamli ajoyib navlari yetishtirilgan. Gulxayridoshlarga mansub tolali 

o`simliklardan yana biri bo`ritaroq turkumiga mansub kanopdir. 

O`zbekistonda kanopdan tashqari bo`ritaroq turkumiga oid yana 5 ta tur kiradi. 

 

---

Akmaljon Ma’rupov & Davron Sultonov  

@biologiya_fardu telegram kanali 

57