Marketing tadqiqotlari

3.10. Mak-Klelland ehtiyojlar nazariyasi

• 
  Hokimiyat. Hokimiyatga intiluvchi shaxslar ko‘pincha o‘zlarini ochiq va harakatchan qilib ko‘rsatadilar. Asosan ular boshqalarni o‘z ta’sir doiralari ostida bo‘lishlariga intiladilar. Boshqaruv faoliyati hokimiyat ehtiyojiga ega bo‘lgan insonlarni o‘ziga tortadi, chunki u hokimiyatga erishish va uni amalga oshirish imkoniyatlarini beradi.
  
• 
  Muvaffaqiyat. Bu ehtiyoj turi ishni muvaffaqiyatli yakuniga olib boruvchi jarayonga asos bo‘lib xizmat qiladi. Bu insonning o‘z oldida turgan maqsadga avvaldagiga qaraganda samaraliroq erishishga intilishini anglatadi. Bu ehtiyoj turiga xos bo‘lgan kishilar kamtavakkal, muammoni yechimini topishda javobgarlikni o‘z bo‘yniga olishga to‘g‘ri keladigan vaziyatlarni xush ko‘ruvchi kishilardir. Ayni vaqtda bu insonlar erishgan natijalari uchun rag‘batlantirilishni xoxlaydilar.
  
• 
  Tegishli bo‘lish ehtiyoji. Bu ehtiyoj turi hos bo‘lgan kishilar do‘stona iliq munosabatlarni axtaradilar. Bunday ishchi-xodimga ega bo‘lgan rahbar bu shaxsga shunday xizmat berishi kerakki, ish jarayonida u ijtimoiy munosabatlarning keng imkoniyatlaridan foydalana olsin. Boshqaruvchi tashkilotda shaxslararo munosabatlarni va aloqani yo‘lga qo‘ya bilishi kerak.