Marketiń HÁm oni rawajlaniwiniń tiykarǵI

Tema ; Strategiyaliq marketing joybarlaw jáne onıń basqıshları

Joba :
1. Strategiyalıq joybarlawdıń mánisi hám wazıypaları.
2. Strategiyalıq basqarıw stilistikası.
3. Strategiyalıq marketingdi joybarlaw.
1. Strategiyalıq joybarlawdıń mánisi hám wazıypaları.
Strategiyalıq joybarlaw -bul kárxananıń missiyasi hám maqsetlerin anıqlaw, keleshekte kárxana iskerligin nátiyjeli shólkemlestiriwdi támiyinlew ushın zárúr bolatuǵın resursların anıqlaw hám olarǵa ıyelewde ónim strategiyaların tańlaw processleri bolıp tabıladı.
Strategiyalıq joybarlaw procesi basqarıw sheshimlerin qabıllawda járdem beretuǵın qural bolıp esaplanadı. Onıń wazıypası sırtqı ortalıqta júz beretuǵın ózgerislerge tiyisli juwap qaytarıw ushın zárúr bolatuǵın jańalıqlardı hám ózgerislerdi támiyinlew bolıp tabıladı. Strategiyanı joybarlaw ol yamasa bul haldaǵı operativ háreket penen juwmaqlanbaydi. Ol kárxana pozitsiyasiniń ósiwi hám bekkemleniwin támiyinlewge qaratılǵan ulıwma jónelislerdi belgilew menen tawsıladı. Kárxana daǵı hámme bólimler, olardıń birge iskerlik kórsetiwlerin tuwrı jolǵa qoyıw hám bahalaw ushın jobalar sistemasın shólkemlestiriw zárúr bolıp tabıladı. Strategiyalıq joybarlaw procesi onı ózlestiriw dawamında bir qatar qıyınshılıqlarǵa dus keledi. Tiykarǵı qıyınshılıq sonda, dáslepki sheshimlerdi qabıllaw procesi shólkemdegi kepilliklerdiń quramı menen baylanıslı. Jańa strategiya ádetde kárxana daǵı ámeldegi óz-ara munasábetlerdi ózgertiredi hám kárxana administraciyası siyasatina qarsı bolıwı múmkin. Buǵan tábiy juwap -ádetiy óz-ara munasábetlerdi hám kepillikler quramın ózgertiriwshi hár qanday jańalıqlarǵa qarsı gúres bolıp tabıladı. Taǵı bir sezilerli mashqala sonda, strategiyalıq joybarlawdıń engiziliwi payda alınıwın támiyinleytuǵın aldınǵı túrli iskerlik penen jańası ortasında qarama-qarsılıqlarǵa alıp keliwi múmkin, yaǵnıy operativ joybarlaw menen kárxanalarda dáslepki waqıtta strategiyalıq joybarlawdıń engiziliwine tiyisli na principlik, na strategiyalıq pikirlewge qızıǵıwshılıq boladı.
Keyingi mashqala usınıń menen baylanıslı, bunda kárxana ádetde nátiyjeli strategiyalıq joybarlawı ushın na ózi tuwrısında, na sırtqı ortalıq tuwrısında maǵlıwmatqa iye boladı. Bunnan tısqarı olarda strategiyanı islep shıǵıwshı hám ózgeriwshi ılayıq basqarıwshılardıń joq ekenligi bul máseleni talay quramalılastıradı.
Uzaq múddetli joybarlawda joybarlastirıwshi subiekt bolıp ministrlikler esaplanadı. Bul jaǵday islerdiń jetkilikli dárejede nátiyjeli emesliginen dárek beredi. ministrlikler bul jumıslar ushın jetkilikli múmkinshilikler, strategiyalıq obiektiv maǵlıwmatlar hám waqıtqa iye emes edi. Bulardan tısqarı orınlardaǵı kárxanalardıń ózine sáykes qásiyetlerin tolıq esapqa almas edi. Usınıń sebebınen joybarlawdıń obiektivlıgı tómen bolıp, nátiyjeler de kewıldegıdey bolmaydı. Joba «qattiq kórsetpe»retinde qáliplesedi, bunda strategiyalıq joybarlawdıń tıykarı bolǵan -rejenıń adaptivligin biykar etıledı. Bul uzaq múddetli joybarlawdıń strategiyalıq rejelestırıwden zárúrli, bıraq tiykarǵı ayırmashılıǵı emes. Tiykarǵı ayırmashılıǵı -keleshekti aytıwda. Kárxana basshıları ádetde keleshekte iskerlik nátiyjeleri ótken dáwir salıstırǵanda álbette jaqsılanadı dep jantasıwadı jáne bul zat rejaning tıykarlanıwı bolıp esaplanadı.
Strategiyalıq joybarlaw sistemasında bolsa keleshekte álbette ótken dáwirge salıstırǵanda jaqsı bolıwı kerek degen ıtımaldı bermeydı . Usınıń sebebinen strategiyalıq joybarlawda kárxana kelesheginiń analizine úlken itibar beriledi. Onıń tiykarǵı waziypası bolıp ámeldegi tendensiyani ózgertiriwshi shárt-shárayatlar, múmkinshiliklerdi anıqlaw esaplanadı. Bul analiz báseki gúresinde kárxana ornıniń analizi menen toldırıladı. Strategiyalıq basqarıw evalyutsion jol menen strategiyalıq joybarlawdan payda bolǵan, yaǵnıy strategiyalıq joybarlaw onıń mánisli tiykarın quraydı. Ol prinspial jańa strategiyalardı ámelge asırıw menen baylanıslı bolǵan qıyınshılıqlarǵa dus kiyatırǵan firmalarda barǵan sayın úlken qızıǵıwshılıq oyatıp atır. Strategiyalıq basqarıwdıń mánisin keńlew túsiniw ushın kommerciya hám kommerciyalıq bolmaǵan kárxanalarınıń shólkemlestirilgen «hulqına» itibardı qaratıw maqsetke muwapıq bolıp tabıladı. Bul júdá zárúrli bolıp tabıladı. Sebebi shólkemlestirilgen «hulq»stili menen basqarıw kórinisleri ortasında tıǵız baylanıslılıq bar. Shólkemlestirilgen «hulq» stili tiykarınan eki qıylı kóriniste boladı :
-Ósiwge tiykarlanǵan (inkrementalistli). Bunda «erısken»nen kelip shıqqan halda maqsetti qoyıw menen anıqlama berıledı hám ámeldegi (qáliplesken) hulq stilinen minimal iyiwge qaratılǵan (kárxana ishinde de, sırtqı ortalıq penen munasábetlerde de). Bul konservativ stil bolıp, iri tarmaq kárxanaları buǵan ámel qıladı.
-Isbilermenlikke tiykarlanǵan. Bul ózgerislerge, keleshektegi qáwiplerdi jeńiwge hám jańa múmkinshiliklerge umtılıw menen anıqlama berıledı. Bunda kóp sanlı alternativ strategiyalardı islep shıǵıw hám olardan optimalın tańlap alıwda basqarıw sheshimleri keń anıqlama berıledı. Isbilermenlikke tiykarlanǵan kárxana dawamıy ózgerisler shınjırına háreket etedı. Sebebi bolajaq iskerliginiń natiyjeliligin hám tabıslı bolıwın sonda dep bıledi. Bul agressiv stil bolıp, ósiwge hám rawajlanıwǵa qaratılǵan. Buǵan iskerlik natiyjeliligi tikkeley bazar sınaqları menen baylanıslı bolǵan kommerciya kárxanaları ámel qılınadı.
Strategiyalıq kárxananıń maqseti hám sırtqı ortalıq munasábetlerine tikkeley baylanıslı.
Keleshekte kárxananıń maqsetlerine jetiwin támiyinleytuǵın potensial strategiyalıq basqarıwdıń nátiyjelik ónimlerinen biri bolıp esaplanadı. Bunda kirisiw elementleri: shiyki ónımler, finanslıq hám adamlar resursi, maǵlıwmatlar :shıǵıw elementleri:islep shıǵarılǵan ónim, kórsetilgen xızmetler, social mınez-qulq qaǵıydaları bolıp tabıladı.
Strategiyalıq basqarıwdıń taǵı bir ónimi bolıp sırtqı ortalıqta júz beretuǵın ózgerislerge kárxananıń sezgirligın támiyinleytuǵın ishki struktura hám shólkemlestirilgen ózgerisler esaplanadı.
Sonday etip strategiyalıq basqarıw iskerligi strategiyalıq kózqaraslardı
támiyinlewge qaratılǵan, ol bolsa óz gezeginde ózgeriwsheń sharayatlarda kárxananıń uzaq múddetli iskerlik kórsetiwin támiyinleydi.
2. Strategiyalıq basqarıw stilistikasi
Strategiyalıq basqarıw stilistikasiniń júzege keliwi hám ámeliy qollanıwı birinshi náwbette kárxananıń sırtqı ortalıǵında júz bolatuǵın ózgerislerdiń xarakterinen kelip shıǵıs ob'ektiv sebeplerden kelip shıǵadı.
1. Basqarıwdı baqlaw tiykarında basqarıw.
Bunda kárxananıń ózgerislerge waqıyalar júz bergennen keyin payda boladı. Bul reaktiv iykemlesiw kárxanaǵa kóbirek hos bolıp tabıladı, lekin ózgerislerdiń quramalılıǵı, jańa strategiyanı islep shıǵıw hám oǵan sistemanı maslastırıwdı tusinip jetiw kóp waqtın talap etedi. Ózgerisler pátleriniń ósiwi sharayatında bul maqul emes bolıp tabıladı.