Markaziy osiyoda onlayn

Ijtimoiy tarmoqlar keng tarqalayotgan 

sharoitda jurnalistlar yanada ko'proq 

ijtimoiylashish va o’zlarini tanitishga 

intilishlari, ijtimoiy tarmoqlarda o'z 

auditoriyasini yaratishlari kerak. 

Mualliflik kolonkalari formati jurnalistikada 

yetakchilarni yetishtirish uchun yaxshi 

vositadir. Bu jurnalistika standartlariga 

muvofiq  asosli  materiallarni  yozish  va 

xuddi shu tamoyillarni ijtimoiy tarmoqlar 

va messenjerlar platformalarida tarqatish 

imkonini yaratadi.

Rasmiy (davlat) saytlar va yangiliklar 

xizmatlari mintaqada ko'proq nufuzga ega. 

Biror hodisa yuzasidan ziddiyatli xabarlar 

kelib chiqqan taqdirda, respondentlarning 

ko'pchiligi ushbu platformalardagi axborot 

kontentiga ishonadilar. 

Respondentlar ko'pincha xabarlarning 

dolzarbligini tekshirish yoki boshqa 

manbalarni qidirish va ma'lumotlarni 

taqqoslash orqali xulosa chiqaradilar, 

ammo to'rtta mamlakatda deyarli hech kim 

faktlar va ma'lumotlarni tekshirish uchun 

maxsus dasturlardan foydalanmaydi. Ular 

so’rovnoma ishtirokchilarining 95% dan 

ortig'ini tashkil etadi.

Noto'g'ri ma'lumotlarni tarqatuvchilar 

ko'pincha ijtimoiy tarmoqlarda va 

messenjerlarda ma'lumot tarqatadigan 

foydalanuvchilarning o'zlari bo'lib, 

ular odatda kontekstdan yulib olingan 

ma’lumotlarni tarqatishadi va bu OAV 

savodxonligining pastligidan dalolat 

beradi. Boshqa tomondan, uzatilayotgan 

ma'lumotni tekshirmasdan va tahlil 

qilmasdan, ko'r-ko'rona ishonib, kimningdir 

nutqi, fikri yoki foydalanuvchi tomonidan 

yaratilgan kontentni qayta uzatish bilan 

shug'ullanuvchi axborot agentliklari salbiy 

dinamikani kuchaytiradi.

70

---