Markaziy osiyo davlatlari iqtisodiy va ijtimoiy geografiyasi

Iqtisodiy integratsiya – lotincha integer - yaxlit so‘zidan olingan bo‘lib, integratio - to‘ldirish, birlashish ma’nolarini beradi. YA’ni hozirgi davrda alohida xo‘jalik tarmoqlarining ko‘p va arzon mahsulotlar ishlab chiqarish maqsadida bir-birlariga qo‘shilishi yoki birlashishi, bir butunga aylanishi, yaxlitlanishi, talab etiladi. Bu jarayon tabora kengayib bormoqda.
Aholi – o‘zining hayotiy faoliyatini ma’lum ijtimoiy va hududiy jamoalar doirasida amalga oshirayotgan insonlar guruhidir.
Aholi migratsiyasi – lotinchadan (migratio) ko‘chish, ko‘chirish ma’nosini anglatadi.
Millat – insonlarning tarixan shakllangan umumjamoa guruhlari.
Urbanizatsiya – shaharlar va shahar aholisining soni hamda ulushining ko‘payishi bilan bog‘langan ijtimoiy–iqtisodiy va geografik jarayon.
Aholi zichligi – muayyan hududda aholining joylashuv darajasi. Mamlakat yoki biror hudud aholi sonini shu joy maydoniga taqsimlash bilan hisoblab chiqiladi.
Aholi milliy tarkibi – muayyan hudud yoki mamalakatda yashovchi aholining millatlar bo‘yicha tarkibi.
Ishlab chiqarish omillari – ishlab chiqarish tarmoqlarining rivojlanishiga ta’sir etadigan barcha turdagi sabablar.
Xalq xo‘jaligi tarmog‘i – bir xil mahsulot ishlab chiqaruvchi va ishlab chiqarish jarayonlari uxshash bo‘lgan barcha korxonalar yoki korxonalar guruhi tushuniladi.
Korxona – bu ma’lum bir mahsulot ishlab chiqaradigan va uni almashtiradigan iqtisodiy-geografik va iqtisodiy obyektdir.
Og‘ir sanoat – asosan ishlab chiqarish vositalari ishlab chiqaradigan tarmoqlardan iboratdir, ya’ni unda mexnat qurollari (mashinalar, jihozlar va h.k.) va mehnat predmetlari (xom ashyo, yoqilg‘i va h.k.) ishlab chiqariladi.
Sanoat markazi – bir yoki birnecha sanoat tarmoqlari to‘plangan shahar yoki shaharchalardir.
Energiya tizimi – iste’molchilarni elektr energiyasi bilan ta’minlashda qatnash-adigan va bir-biri bilan elektr liniyalari bilan bog‘langan yirik elektr stansiyalar birlashmasi.